Header Ads

  • Berita Tebaru

    Kemanah jampat tanah tusur ba Kilometer 13 Jalai Tekad Ai Murum

    Tanah tusur di Kilometer 13 Jalai Tekad Ai Murum.

    MIRI: Peranak Murum ngansak raban bekuasa bekaul datai ngemanah jalai ba Kilometer 13 Jalai Tekad Ai Murum ditu, ti udah tusur ketegal musim pengujan.

    Jalai ti tusur enti enda dikemanah jampat ketegal gaya hari, tentu deka mutuska jalai ngelawa Tekat Ai Murum sereta rumah panjai besemak.

    Nitih ku pengari ari rumah panjai dia, sebagi ari jalai udah tusur beberapa bulan ke udah lalu nadai pengawa ngemanah udah dipejalai kenyau ari nya.

    Ku iya, peranak rumah panjai enggau sida ti betengahka jalai berasai nangi laban nadai sebarang pengawa udah dipejalaika raban bekuasa bekaul, gaya jalai deka balat agi tusur lalu engka runtuh magang sebarang maya ila.

    “Aku udah ngambi sekeda gambar bagi tanah tusur ba jalai nya ti patut dikemanah enggau jampat,” pia ku pengari nya madah ngagai The Borneo Post kemari. 

    Iya nyemetak madah, enti sema pekara tu nyadi, peranak ari rumah panjai besemak sereta sida ti betengahka jalai deka betapi enggau pemar mindah ngagai enggau ari kandang menua ti kena laban gaya jalai ti enda likun ditengah.

    Ku iya, mensia mayuh udah sebana ngagai raban bekuasa bekaul, tang nyentuk ke diatu pengubah beberapa bulan jalai tusur.

    Mensia mayuh enggau peranak dia ngapil ngagai raban bekuasa bekaul ngambi berati sereta ngerumban pengawa ngemanah jalai ke tusur nya ngambi pulaika pengelikun mensia mayuh sereta mega dikena nyambung pejalai ngelawa enggau pansut ari Tekat Ai Murum.

    Berebak enggau nya, gambar nunjukka sebagi ari jalai tekerap ti diambi enti enda dikemanah jalai deka runtuh magang ila. #UtusanBorneo

    No comments

    Post Top Ad

    Deka nemu berita benung #TRENDING tauka #VIRAL ninting hari:

    Post Bottom Ads


    Deka nemu berita benung #Viral ninting hari: