Header Ads

  • Berita Tebaru

    Mensia mayuh diperansang ngulu program ‘Tabung Harapan’ 17 Jun

    SAMA BELA TAU MERI PEMERI: Tu akaun bank Tabung Harapan Malaysia.

    SIBU: Mensia mayuh dikangau datai bebala mayuh ngerichahka program bejual seraya ngumpul pemeri ‘Tabung Harapan’ ba Palan Komersial Rejang Park kena Hari Minggu tu (17 Jun).

    Chairperson program tu, Amy Lau madah sida udah mujur nyapai tagit tumu penyampau pemeri ari pupu nyual kupon penyampau RM45,000.

    “Kami nyelinting penyampau ari asil nyual kupon RM30,000 enggau nyentuk sehari tu kupon abis dijual enggau penyampau pupu iya nya RM45,000.

    “Kami beterima kasih ngagai mensia mayuh ke udah mantu ngatur program,” ku iya rambau aum media ba opis Parti Tindakan Demokratik (DAP) Sibu kemari.

    Amy madah, kupon berega RM10, RM50 enggau RM100 udah dijual ngagai mensia mayuh berengkah minggu ke udah nengah pengawa bejualka barang pemakai enggau ai irup nyengkaum barang guna ninting hari.

    “Program ngumpul ‘Tabung Harapan’ kena Hari Minggu tu mega nerima pemeri belanja ari mensia mayuh ke deka nulung perintah,” ku iya.

    Amy madah pengerami tu ila deka dipenyadika pengari rayat pukul 9 pagi.

    “Anang ngelepaska peluang tu lalu ngambi bagi ba mayuh aktiviti ke deka diatur baka bejual ngumpul belanja, aktiviti pemerindang enggau main,” ku iya.

    Pengawa ngatur program ungkup ngumpul turu tu endang inisiatif belanja ari rayat mayuh ke dilanchar dikena nulung perintah mayar utang enggau belanja ke udah dikena perintah besai. #UtusanBorneo

    No comments

    Post Top Ad