Meri bantu ngagai menyadi kitai ke napi penyakit mati semua tubuh - Berita Iban Online

Header Ads

  • Baru Nyadi

    Meri bantu ngagai menyadi kitai ke napi penyakit mati semua tubuh

    KASIH AMAI: Ronnie benung makai enggau gali ba tikai.

    Selamat pagi nuju semua bala pemacha BeritaIban.com. Kesekali tu, raban kami bisi nerima berota ti chukup sinu ari Jaynold Victor ak Juwel, peranak ari Lubok Antu minta kami ngemansutka artikel pasal menyadi iya ke benama Ronnie ke napi penyakit mati semua tubuh tauka 'stroke'.

    Lebuh maya ke ditanya ngena whatsapp, Jay (menyadi Ronnie) madahka menyadi iya napi penyakit nya belabuh ari iya ada suba. Diatu umur Ronnie udah manggai 35 taun.

    Jay mega ngelansa apai Ronnie semina gawa bekebun mit tauka bumai di menua kena melanja sida sebilik.

    Ronnie diatu diibun tauka dijaga Bajik ak Dundang (indai iya) di rumah sida iya di menua Ulu Nanga 3 Stamang. Ulu Engkari Lubok Antu.

    Tuju kami ngiarka artikel tu semina deka minta raban NGO, Personal, Raban Opis kemegai Tanggungpengawa enggau semua mensia mayuh sama bela besaup meri bantu ngagai Ronnie ngambika ulih ngelempungka tating pengidup sida sebilik.

    Berebak enggau nya, nuju sapa ke deka meri pemeri ari segi mata duit tau bank in ngagai:

    Nama Bank: BSN
    Lumur Akaun: 13103-29-82328533-6
    Nama: Bajik ak Dundang

    Enti Nyema nuan deka meri pemeri ari segi barang baka tusu, milo, beras, gula tauka barang dapur enggau utai bukai. Nuan tau betalipaun tauka whatsapp ngagai Jaynold Victor ak Juwel ngena lumur 012 875 2758.

    Aram meh kitai sama besampika Ronnie ngarapka iya jampat gerai. Nuju bala ke sepintu sebilik enggau iya mega, ngambika Tuhan ulih ngeringka ka ati sereta ulih besabar napi penguji tu. Amen..🙏

    Mimit pan pemeri ari kitai tang besai reti tauka guna ba Ronnie enggau semua sida iya sebilik mega. Semina Tuhan aja ulih malas pemanah jasa semua kita. 😇

    Tau 'share' ba fb, whatsapp enggau media rama kebukai ngambika mensia mayuh ulih nemu pasal pemar ke ditapi menyadi kitai tu. Terima kasih semua. 😎

    No comments

    Post Top Ad

    Deka nemu berita benung #TRENDING tauka #VIRAL ninting hari:

    Post Bottom Ads