Header Ads

  • Berita Tebaru

    Penanggul suntuk bekal minyak injin di sekula patut diputar lengkas

    Menteri Pelajar Malaysia Dr Maszlee Malik

    MIRI: Bala kunteriktor enda ulih terus nganjung bekal minyak injin ngagai semua 369 buah sekula di Sarawak ketegal bisi penanggul ba atur belanja lalu Opis Pelajar Sarawak udah digerah bejalaika atur ngapuh pekara nya diatu.

    Menteri Pelajar Malaysia Dr Maszlee Malik ngenukuka pekara nya ngagai The Borneo Post ke alai opis nya udah digerah bejalaika pengawa enggau meli minyak injin ti diguna nentuka pekara nya pulai baka selama maya bala nembiak pulai mulaika diri ari pemisi sekula sida.

    Iya ngaku ke alai bisi sekeda sekula di Sarawak suntuk bekal minyak injin laban bala kunteriktor Jepak Holdings Sdn Bhd puntan nganjung bekal nitihka pematut.

    “Aku deka nentuka bekal minyak injin datai ba sekula dituju naka penyampat sebedau bala nembiak mulaika diri ari pemisi sekula sida,” ku iya nyamin lebuh nyaut tanya pasal isu nya.

    Menteri nya udah ngemendarka Opis Menteri ngambi meli bekal minyak injin baru enggau jampat lalu Opis Menteri Wang benung berundingka pejalai pengawa meri belanja terus ngagai opis pelajar nengeri tekala nya ngambika minyak injin ulih diberi sereta dianjung ngagai sekula ti kena pangka enggau nadai betangguh.

    Meretika penanggul ti udah mangka sekula ditu, ku iya, Opis Menteri ngapuh pekara nya lalu udah ngerah opis pelajar di Sarawak bejalaika pengawa enggau nadai betangguh.

    Direktor ngatur pengawa ari kunteriktor Jepak Holdings Sdn Bhd, Saidi Abang Samsudin udah ngenuku ke alai kompeni nya enda ulih nganjung mayuh minyak injin ngagai sekula, madahka Opis Menteri Pelajar puntan mayar lebih RM200 juta ba kereja ti udah digaga kenyau ari Disember 2017.

    “Taja sida enda mayar (udah nya), kami agi meri bekal,” ku iya lebuhka dipinta nimbal genteran pemadu baru penanggul suntuk bekal minyak injin ti mangka sekula di Sarawak.

    Iya nadai meri sebarang kebuah bayar nya ditangguh tang penerang madahka nyauka baka iya nyangka bisi kaul enggau ripot petalat dawa penyelewengan ti ditemu opis menteri antara pinta enggau timpuh ke amat ti diatu udah dibantaika di baruh perintah baru Pakatan Harapan (PH).

    Jepak Holdings Sdn Bhd iya nya siti ari 31 kunteriktor meri bekal minyak injin enggau ngintu injin api ungkup 14 buah sekula di baruh Zon 2 Baram ungkup taun 2015 ngagai 2016 sereta mega sekula di Mukah enggau Dalat tang iya udah diberi kunterik meri bekal minyak injin ngagai kesemua 269 sekula di Sarawak ari taun 2017 enggau udah nya.

    Saidi belalauka gerah pemadu baru ngagai opis menteri ti udah meri dalih ke alai iya agi dalam atur nyentuk Januari taun tu, sebana ke alai perintah besai terus berutang enggau kompeni taja kereja udah digaga.

    “Nadai dibayar, baka ni ka meri bekal?” ku iya.

    Pun bulan tu tadi iya bisi madah deka nyaman orang ti meri penerang Sarawak Report laban udah nyalahka sarikat nya ba dawa makai suap ke alai ex-Menteri Besai Datuk Seri Najib Tun Razak, ti mega nyadi Menteri Wang suba, nyain beratus juta ringgit ungkup projek solar ngagai sekula di Sarawak, ba pekara ti dipadah orang ti meri penerang nya iya nya nipu. Iya mega madahka Saidi teulihka penguntung ari kunterik iya enggau bini Najib, Datin Seri Rosmah Mansor.

    Saidi kemari nawa iya udah dipadahka bala iya ke alai semina 40 buah sekula aja dipangka lalu sida agi meri bekal minyak injin nyentuk Hari Enam minggu tu tadi. Kemisi sekula tengan penggal abis minggu baru.

    Seraya Manyin madah ngagai The Borneo Post, lebuh berita keterubah dibantai kena 14 Jun, opis nya udah ngagihka tumu agih belanja ngagai sekula ti kena pangka dikena bebelika bekal minyak injin sida empu dalam bulan nyin tadi lalu opis nya udah ngerah ngambika ngira perambu belanja ti dipinta ba pengawa ngurangka belanja dataika pengujung sekula ujung taun tu.

    “Aku udah ngerah opis ngemaruka penerang ngagai opis menteri kitai pasal is utu sebedau kitai berandau enggau menteri,” ku iya.

    Ba lansa bukai, Menteri Pelajar, Sains enggau Pansik Teknologi, Dato Sri Micheal Manyin nadai meri timbal ba tanya pasal pekara nya.

    Kaban Parlimen (MP) Kuching ari DAP, Kevin Yii kena 12 Jun tu tadi madahka di Kuching ke alai iya udah nganjung surat ngagai Komiti Nagang Pengawa Makai Suap Malaysia (SPRM) ngansak beratika jampat isu tu ke alai ex-Menteri Besai Datuk Seri Najib Tun Razak udah meri projek solar hidbrid ngagai 369 buah sekula di Sarawak ngagai kompeni kerita suwa diempu Saidi, ke mega direktor pengawa bepilih Jepak.

    Menteri Muda Betanam Betupi Sarawak enggau Kaban Kunsil Nengeri (ADUN) Bukit Kota, Dr Abdul Rahman Ismail udah minta pansik ti patut enggau nginsil kunterik nitihka pematut pengudah rentayan cherita pemadu baru penanggul suntuk bekal minyak injin ti mangka sekula. #BorneoPost

    No comments

    Post Top Ad

    Deka nemu berita benung #TRENDING tauka #VIRAL ninting hari:

    Post Bottom Ads


    Deka nemu berita benung #Viral ninting hari: