Pengempu tanah NCR di Ulu Ngemah mantah pemansang ke deka digaga ba tanah sida - Berita Iban Online

Header Ads

  • Baru Nyadi

    Pengempu tanah NCR di Ulu Ngemah mantah pemansang ke deka digaga ba tanah sida

    Gambar pengias

    SIBU: Pengempu tanah Hak Adat Bumiputera (NCR) di Ulu Ngemah, Kanowit, kemari mantah pemansang ke digaga ba tanah sida ke mungkur pemesai 16,000 hektar laban ku sida, nya semina siti chara dikena ngereja pengawa berimba kayu ba kandang endur nya.

    Kenu ku sida, naka ke diatu sida empai meri pemendar ngagai sesapa ti nguji ngepunka program pemansang nya endur numbuhka dandang kebun nyiur enggau sawit.

    "Beberapa orang dipechaya ari sebuah kompeni kayu batang datai ke menua nya lalu ngiga orang ke ngempu tanah ngulihka sain jari sida ngambika kayu ulih ambi ari kandang menua baka Lakah, Sepali, Junan, Guai, Empurau, Pasai, Pang enggau Semujan di Ulu Ngemah.

    "Utai ke dikeirauka kami diatu iya nya bisi sekeda sida tu deka nguna sain jari pelesu ngambika pengawa berimba kampung nya ulih dipunka", ku chairman komiti pemelanja Ulu Ngemah Thomas Laja.

    Thomas, ke mega chairman ranting PKR Kanowit, madah munyi nya ba aum media ditu kemari.

    Bisi kelai sida nguji ngeruga ke ditemu lima hari sebedau pengerami Hari Gawai empai lama udah lebuh siku ari peranak rumah panjai nya ngasu ngagai kampung ke besemak enggau siti tanah Iban di Ngemah Tengah sereta tepedaka sekeda pun kayu udah ditanda ngena kain mirah enggau chat biru, ku iya. #DayakDaily

    No comments

    Post Top Ad

    Deka nemu berita benung #TRENDING tauka #VIRAL ninting hari:

    Post Bottom Ads