Pengerami Gawai Dayak 2018 di Dewan Sentral Sarikei 23 Jun - Berita Iban Online

Header Ads

  • Baru Nyadi

    Pengerami Gawai Dayak 2018 di Dewan Sentral Sarikei 23 Jun

    Gambar pengias.

    SARIKEI: Gerempung Tuai Rumah enggau Ketuai Komuniti Sarikei begulai enggau Opis Pelilih Sarikei, Serakup Indu Dayak Sarawak (SIDS) Sarikei, Gerempung Dayak Iban Sarawak (SADIA) Sarikei enggau Gerempung Bansa Orang Ulu (OUNA) Sarikei deja ngatur Pengerami Gawai Dayak 2018.

    Program tu ditaga kena 23 Jun tu, pukul 6 lemai ba  Dewan Sentral Sarikei.

    Entara aktiviti ke deka diatur maya nya ila baka chabut tiket benasip, mandangka main asal, panggau pemerindang enggau aktiviti pemadu besai iya nya ‘Pekit Kumang Gawai 2018’.

    Ungkup ‘Pekit Kumang’, iya tebuka ngagai 10 pesereta lalu pemenggi gelar Kumang deka nerima perais RM1,000, trofi enggau selampai.

    Lumur dua deka nerima perais RM900, lumur tiga RM800, lalu pemenang perais pengaga ati deka diberi RM200 siku. 

    Patron dipelaba datai maya tu ila ke lalu bejadika pengerami iya nya Kaban Kunsil Nengeri (ADUN) Repok Dato Sri Huang Tiong Sii. 

    Ngagai sapa deka meli mija nyereta program tu, piak pengatur endang ngelaluka penatai sida.

    Penerang silik bekaul enggau program tu ulih betelefon terus nuju Penghulu Bidai Gisang ngena lumur 019-4824416, Casmir Igat (019-4394619) tauka Fredy (013-8203860). #UtusanBorneo

    No comments

    Post Top Ad

    Deka nemu berita benung #TRENDING tauka #VIRAL ninting hari:

    Post Bottom Ads