Header Ads

  • Berita Tebaru

    Pengerami Makai Lemai Gawai-Raya NSJA diatur kena 27 Jun 2018

    MIRI: Pengerami Makai Lemai Gawai-Raya enggau pengawa nyuaka insentif pelajar deka diatur kena 27 Jun (Hari Tiga) di Hotel Mega disadang nerima temuai khas nyengkaum pengari rayat ngambi bejadika pengerami nya.

    Pengerami makai lemai ti diatur Serakup Pengarang Berita Utara Sarawak (NSJA) udah ngangauka bala pengari rayat bukai lalu sida melabaka nerima timbal ke penudi ari sida. 

    “Kitai lantang ati madahka Kaban Kunsil Nengeri (ADUN) Mulu, Datuk Gerawat Gala udah ngenukuka penatai diri ngulu pengerami makai lemai kitai lalu iya deka nyadi temuai dipebasa bejadika pengerami makai lemai tu,” ku chairwomen pengatur pengerami, Michelle Choo madah ba penerang berita kemari.

    Sebedau tu ku iya, surat kangau udah disua iya empu ngagai ADUN Pujut (DAP) Dr. Ting Tiong Choon, Kaban Parlimen (MP) Miri Dr. Teo Yu Keng, Chairman PAS Miri Jofri Jaraie, ADUN Telang Usan Dennis Ngau enggau ADUN Piasau (SUPP) Datuk Sebastian Ting enggau bala bukai. Dr. Ting, Dr. Teo enggau Datuk Sebastian Ting udah madahka diri datai ngulu pengerami makai lemai nya.

    Pia mega ku Choo, iya ngadang semua kaban NSJA deka datai ngulu pengerami nya laban tu deka nyadi batang pengerami NSJA taun nya.

    Pengerami makai lemai diatur belalauka rambai jaku ‘Malaysian Traditional Costume’, deka diserumba enggau pengawa nyuaka insentif pelajar ngagai anak bala kaban serakup, chabut tikit benasit enggau belagu karaoke.

    Choo mega ngelalau kaban ti apin mayar nyadi kaban sida dipinta mayar iya maya atur pengerami makai lemai nya ila. #UtusanBorneo

    No comments

    Post Top Ad

    Deka nemu berita benung #TRENDING tauka #VIRAL ninting hari:

    Post Bottom Ads


    Deka nemu berita benung #Viral ninting hari: