Peranak Sibu dilalau datai ngulu program ‘APMG 2018 Torch Run’ - Berita Iban Online

Header Ads

  • Baru Nyadi

    Peranak Sibu dilalau datai ngulu program ‘APMG 2018 Torch Run’

    ARAM SAMPAL: Ngulu program ‘Larian Obor Asia Pacific Masters Game 2018’ (APMG 2018 Torch Run)

    SIBU: Mensia mayuh dilalau datai sama ngulu program ‘Larian Obor Asia Pacific Masters Game 2018’ (APMG 2018 Torch Run) ti digaga ba Sibu kenaka 23 Jun tu.

    Sapit Chairman Kaunsil Menua Pesisir Sibu (SRDC) Robert Lau Hui Yew madah, program nya diatur begulai enggau Gerempung Pihak Berkuasa Tempatan Malaysia (MALA).

    “Di Sibu, program ‘larian obor’ tu diatur Kaunsil Mengeri Sibu (SDC) enggau SRDC ti deka berengkah ba Hotel Kingwood enggau pengawa ngelepaska pesereta urung pukul 4.30 lemai,” ku iya ba aum media ditu kemari.

    Robert madahka bala pesereta deka nengah lima renggat, ti bepun enggau renggat keterubah belanda nengah semanjai tebing Sungai Rajang lalu ditangkan ke renggat kedua iya nya nengah Sungai Batang Rajang ke palan penyangkai sungai Bidut ngena bot tauka feri.

    “Ba renggat ketiga, pesereta deka belanda ba kandang endur Sungai Bidut enggau Sungai Maaw ke lalu diteruska ngagai renggat ti keempat ke deka nengah Sungai Batang Igan lalu mulai kediri ke mengeri Sibu.

    “Ba renggat kelima pesereta deka belanda tauka bejalai nengah Muzium Memorial Hospital Law King Howe lalu ke Dataran Bandar Sibu,” ku iya.

    Robert minta peranak Sibu sama bela ngambi bagi ba program belanda tu kelai meri sukung ngagai ‘Asia Pacific Masters Games 2018’ ke deka digaga ba Pulai Pinang berengkah ari 7 nyentukka 15 September.

    “Pemenang lima midul emas Sukan SEA ba pekit ‘baling tukul besi’ Wong Tee Kui deka sama bisi ba pelanda tu lalu aku ngarapka mensia mayuh enda ngelengkaka awak tu sama enggau ngambi bagi,” ku iya.

    Beserimbai enggau nya Robert madahka tiap pesereta ti ngambi bagi ba program tu meseti ngena baju enggau kasut sida empu ti engkeman.

    Sama bisi datai ba aum media nya Sapit Chairman SDC Rogayah Jamain. #UtusanBorneo

    No comments

    Post Top Ad

    Deka nemu berita benung #TRENDING tauka #VIRAL ninting hari:

    Post Bottom Ads