Header Ads

  • Berita Tebaru

    Perintah nengeri meseti ngetanka hak sentang asil minyak enggau gis

    Kaban Kunsil Nengeri (ADUN) Bukit Assek Irene Chang.

    SIBU: Kaban Kunsil Nengeri (ADUN) Bukit Assek Irene Chang madah perintah nengeri meseti ngetanka hak diri ba sentang asil minyak enggau gis nengeri.

    Nengah penerang media iya ensana, iya madah perinta nengeri udah mantaika pengarap bula ngagai rayat ti ngumbia sida udah mutarka pekara nya.

    Iya madah perintah nengeri sebedau tu madahka Akta Pembangunan Petroleum 1974 enggau Akta Laut Wilayah 2012 nadai engkeman agi lalu ngujungka sida numbuhka Petroleum Sarawak Berhad (PETROS) sereta Bank Pemansang Sarawak(DBOS).

    “DAP Sarawak udah suah minta isu tu diputar nitihka undang-undang ke pemaik rayat tang peminta nya nadai dikeibuh.
    “Diatu Petronas udah berengka ngena atur kort lalu tu peluang ke manah ngagai perintah mandangka pengeran diri ngetanka hak diri menggi asil minyak enggau penatai gis ke agi dipenggi perintah.

    “Iya mega madah tu mih maya endur perintah nengeri mantaika dokumen ke dibai raban luyar ke London ke alai sida ngiga enggau beratika pekara Sempekat Malaysia 1963 (MA1963) dikena nentuka hak-hak kebendar nengeri tu ke udah bisi dalam sempekat nya suba.

    Kenu ku Irene asil pansuk ke dibai raban luyar nya patut nyukung peminta sida iya nya Akta Pembangunan Petroleum enggau Akta Laut Wilayah enda sah.

    “Perintah nengeri enda ibuh takut enggau atur kort ke digaga Petronas nyema sida ba jalai ke betul,” ku iya.

    “Diatu, ke pemaik rayat Sarawak, kami ngarap ulih meda perintah nengeri kitai angkat lalu ngetanka hak ke endang patut dipenggi nengeri tu,” ku iya.

    Kenu ku Irene, iya meri jamin nyema Petronas menang kes tu, nyadi PH Sarawak deka bebendar nentuka manifesto nagih royalti 20% ari Petronas dikeamat. #UtusanBorneo

    No comments

    Post Top Ad

    Deka nemu berita benung #TRENDING tauka #VIRAL ninting hari:

    Post Bottom Ads


    Deka nemu berita benung #Viral ninting hari: