Header Ads

  • Berita Tebaru

    Program ngumpul turu ‘Tabung Harapan’ di Rejang Park nerima timbal ke manah

    KENANG: Irene dikemataka Alice (dua kiba) nyain anak patung Ubah ti bisi dibeli mensia mayuh.

    SIBU: Program ngumpul turu ‘Tabung Harapan’ ke diatur ba palan dagang Rejang Park ditu nerima sambut ke manah ari mensia mayuh.

    Chairman Komiti Pengatur, Amy Lau madahka piak sida pechaya deka bulih RM50,000 nengah program nya.

    “Sebedau tu kitai ngeletakka perambu deka bulih RM30,000 tang perambu nya udah ngelebus lalu pechaya penyampau nya deka nambah,” pia ku iya maya berandau enggau pengarang berita ba program nya, kemari.

    Ba program nya, macham bengkah barang pemakai enggau ai irup dijual ngena kupon ke berega RM10, RM50 enggau RM100.

    Kelimpah bebelika barang, bisi mega mensia mayuh ti datai terus meri mata duit ngagai program nya.

    Kaban Kunsil Nengeri (ADUN) Pelawan David Wong ti bela bisi ba program nya madahka piak sida ngarapka mayuh agi piak bukai baka kompeni besai di nengeri tu lempung jari nyuaka bantu ngagai Tabung Harapan.

    Ku iya, di Semenanjung Malaysia, mayuh kompeni besai datai nganjung turu nyentuk bejuta ringgit ngagai Tabung Harapan nya.

    “Nya alai, kitai andal amat ulah ke sebaka mega deka nyadi di nengeri kitai nangkan ke tu,” ku iya madah.

    Kelimpah ari seduai, Kaban Parlimen Sibu enggau Lanang Alice Lau enggau Oscar Ling sereta ADUN Bukit Assek Irene Chang bela datai ngemujurka program ngumpul turu nya. #UtusanBorneo

    No comments

    Post Top Ad

    Deka nemu berita benung #TRENDING tauka #VIRAL ninting hari:

    Post Bottom Ads


    Deka nemu berita benung #Viral ninting hari: