RM1,630,500 chek MRP udah disuaka ngagai 127 JKKK di Baleh - Berita Iban Online

Header Ads

  • Baru Nyadi

    RM1,630,500 chek MRP udah disuaka ngagai 127 JKKK di Baleh

    TERIMA KASIH: Masing (duduk, empat kiba) begambar ungkup kenang begulai enggau penerima chek MRP. Ari dua kiba, Bidah Lujah, Wilson Nyabong Ijang, Masing, Joseph Belayong, Galong Luang enggau Douglas Pungga.

    KAPIT: Sapit Kepala Menteri Sarawak Tan Sri Datuk Amar Dr James Jemut Masing udah nyuaka chek Projek Mit Pemansang Menua Pesisir (MRP) sepenyampau RM1,630,500 ngagai 127 bengkah Komiti Pemansang enggau Pengelikun Genturung Pendiau (JKKK) Rumah Panjai di sitak N64 Baleh.

    Pengawa tu udah diatur di bilik konferen Komplek Nengeri Bletih kemari.

    Sama bisi datai Kaban Kunsil Nengeri (ADUN) Pelagus Wilson Nyabong Ijang, Residen Kapit Joseph Belayong, Sapit Residen Kapit Galong Luang, Pemesai Pelilih Bukit Mabong Douglas Pungga, Pemesai Pengatur Pengawa Opis Pelilih Kapit Bidah Lujah, Pemesai Pengatur Pengawa Masing, Robert Liman antara bala ketuai opis ke bukai.

    Ku Masing, tu belanja ungkup JKKK Rumah Panjai di sitak Baleh. Kesemua JKKK Rumah Panjai nerima agih belanja MRP sida ninting taun lalu sebagi ari agih belanja tu udah diberi pun taun, tengan taun, udah nya ujung taun. Penyampau belanja nitihka peminta ti dianjung bala pengari JKKK ungkup projek pemansang mit di rumah panjai sida empu.

    Iya ngelalau sida masukka duit nya ke dalam akaun. Berebak enggau nya, sida mega dipinta madah ngagai peranak rumah panjai pasal chek ti udah diberi.

    Pia mega iya ngelalau sida nembuka ripot enggau manah ngambika nyadi chuan penerang sereta guna ke bukai. #UtusanBorneo

    No comments

    Post Top Ad

    Deka nemu berita benung #TRENDING tauka #VIRAL ninting hari:

    Post Bottom Ads