Siku lelaki bebadi nyawa dilantak kerita maya deka ngelayang jalai - Berita Iban Online

Header Ads

  • Baru Nyadi

    Siku lelaki bebadi nyawa dilantak kerita maya deka ngelayang jalai

    GELIN Rangi, 41 taun, bebadi nyawa dipalan penusah kenyadi ketegal balat bakal ba pala pengudah dilantak sebuah kerita di Jalai Bako.

    KUCHING: Siku lelaki bebadi nyawa dilantak kerita maya meraka jalai di Jalai Bako, ditu, tumu pagi tadi.

    Mansa dikelala enggau nama Gelin Rangi, 41 taun, disahka bebadi nyawa dipalan penusah kenyadi ketegal balat bakal ba pala.

    Ketuai Opis Tasat enggau Penguasa Trafik Sarawak, Superintenden Alexson Naga Chabu, madah kes nyadi urung jam 5.50 pagi nya, mansa dipadahka enda disadang lalu deka ngelayang jalai.

    Ngam-ngam gak maya nya, ku iya, sebuah kerita ke ditepan siku lelaki beumur 26 taun benung niti jalai nya.

    "Maya penusah nyadi, kerita nya benung dirantau jalai bejalai lurus ngena jalai sepiak kiba di Jalai Bako ari muak ke Demak nuju ke pasar Kuching.

    "Maya datai dipalan penusah kenyadi, enda disadang siku orang bejalai kaki belandak deka ngelayang jalai ari jalai sepiak kiba masuk ke muak ke jalai entukar.

    "Driba nyuji nyeliah enggau nukar jalai enggau ngena jalai sepiak kiba sereta  nekan brek, tang tetap enda ulih nyeliahka orang ke bejalai kaki nya," ku iya, sehari tu tadi.

    Alexson madah, ketegal eksiden nya mansa dipechayaka tepelanting lalu ngejungka iya bakal ba pala sebedau disahka bebadi nyawa dipalan penusah kenyadi.

    Ku iya, driba kerita nya pengudahnya ngaga ripot di Balai Polis Simpang Tiga kena bejalaika pengawa nasat silik agi.

    Kebuah penusah nyadi agi dipansik nitihka Seksyen 41(1) Akta Pengangkutan Jalan 1987.

    No comments

    Post Top Ad

    Deka nemu berita benung #TRENDING tauka #VIRAL ninting hari:

    Post Bottom Ads