STU minta perintah nandu baru pengawa nganjung diesel ke sekula ti ngena injin api - Berita Iban Online

Header Ads

  • Baru Nyadi

    STU minta perintah nandu baru pengawa nganjung diesel ke sekula ti ngena injin api

    Presiden STU, Jisin Nyud.

    SIBU: Gerempung Pengajar Sarawak (STU) minta perintah nandu baru pengawa nganjung diesel ngagai semua sekula ke agi bekenaka injin api ba serata nengeri tu.

    Presiden STU, Jisin Nyud madah, tu bepun ari pengawa bekenaka kereban elektrik enggau elektronik nyengkaum kereban dikena ngajar majak mayuh dikena maya hari tu.

    “Udah lebih 50 taun merdeka kelimpah beberapa iti tekat ai udah digaga, enti nunda semua sekula patut disambung karan 24 jam magang,” pia ku iya madah ngagai pengarang berita, ensana.

    Dulu agi ari tu iya dipinta nimba penerang ke dibantai Menteri Pelajar, Dr Maszlee Malik nengah surat berita, hari Satu tadi.

    Piak kontraktor ke diatu enda teanjung minyak diesel ngagai 369 buah sekula menua pesisir di nengeri Sarawak.

    Dr Maszlee madahka diri udah minta Opis Pelajar Nengeri Sarawak bela mutarka isu tu sereta nganjung minyak diesel ngagai sekula sebedau sekula dibuka baru minggu siti.

    Nambahka jaku iya, Jisin madahka STU lantang ati enggau jaku ke dipansut Menteri Pelajar ti besemaya nganjung minyak diesel ngagai sekula iya ke empai nerima minyak nya.

    “Ukai semina nya, Opis Pelajar Nengeri Sarawak mega dipinta besaup nentuka semula sekula dibuka baka ngelama tu,” ku iya madah baru.

    Jisin madah, injin api enda engkeman dikena agi laban begunaka ungkus ti mayuh lalu ngujungka piak sekula rugi.

    Ku iya, rega minyak diesel diatu majak mar enti dibida enggau 20 taun ke udah kelimpah ungkus dikena ngaduka injin api jai bela mar.

    “Nya alai, enti nunda patut bisi chara bukai dikena nyilih injin api tu,” pia ku iya mansut penemu. #UtusanBorneo

    No comments

    Post Top Ad

    Deka nemu berita benung #TRENDING tauka #VIRAL ninting hari:

    Post Bottom Ads