Header Ads

  • Berita Tebaru

    Tetimbakka bakih diri kumbai 'jani kampung'

    Gambar pengias.

    SIBU: Siku lelaki bebadi ketegal saru ditimbak bakih iya empu maya ngasu di Sungai Engkelut, Pakan.

    Ketuai Opis Mansik Penyalah nengeri Senior Asisten Komisioner Dennis Leong Soon Kuai madah, penusah ti nuntung lelaki berumur 25 taun nya nyadi tengah hari kena hari Minggu tu tadi.

    “Niang enggau bakih iya dulu agi ari nya pambar nengah jalai kediri sebedau besemaya betemu baru di Sungai Kauh.

    “Tang maya ba datai endur nya, saspek, 36, nimbak niang ke saru ngumbai niang jani kampung.

    “Udah nimbak, saspek ngelawa endur nya lalu nemu iya nimbak niang,” pia ku iya nengah penerang media, kemari.

    Dennis madah, saspek minta saup orang rumah panjai ke semak mai niang pansut ari kampung nya.

    Ku iya, saspek nangkan nya ngeripot kes nya ba Opis Polis Julau urung jam 5 lemai.

    “Saspek udah ditan lalu disil sereta ditasat nengah seksyen 304A Kanun Keseksaan, Seksyen 8 (a) Akta Senjata 1960 enggau Seksyen 37 Akta Senjata Senjata Api 1960,” ku iya nerang. #UtusanBorneo

    No comments

    Post Top Ad