Tuduh madah 1,000 iku kaban PRS Senadin ningkil diri disangkal Doris - Berita Iban Online

Header Ads

  • Baru Nyadi

    Tuduh madah 1,000 iku kaban PRS Senadin ningkil diri disangkal Doris

    Ketuai Bagi Orang Indu Parti Rakyat Sarawak (PRS) Dato Sri Doris Brodie.

    KUCHING: Ketuai Bagi Orang Indu Parti Rakyat Sarawak (PRS) Dato Sri Doris Brodie nyangkal tuduh diak 1,000 iku kaban parti pampang Senadin ningkilka diri ari PRS.

    Ku iya ba aum pengarang berita di Kuching kemari, PRS pampang Senadin mengkang tegap lalu diatu bisi 1,174 iku kaban.

    Tuduh nya ku Doris dikenatai ex-chairman PRS pampang Senadin Richard Wil lalu ayan ba sebengkah berita portal ensanus.

    “Tuduh ari Richard ti madah 1,000 iku kaban parti udah ningkilka diri ari PRS sebengkah tuduh bebula.

    “Sebedau aum seharitu, pampang Senadin bisi 1,111 iku kaban lalu rambau aum tu kitai udah nerima 63 pinta nyereta parti (pampang Senadin).

    “Reti nya diatu kitai bisi 1,174 iku kaban ba pampang Senadin,” ku Doris ke mega Ketuai Bagi Orang Indu PRS pampang Senadin.

    Doris nerang enggau nyemetak sereta madah diatu PRS pampang Senadin bisi 514 iku kaban ti ngarika orang indu enggau 660 kaban ngarika lelaki.

    Ari ni iya (Richard) bulih penyampau nya aku pan enda nemu ke alai iya enda kala kiruhka pampang Senadin ngelamatu.

    “Penyampau 1,000 iku nya berita bula lalu sengapa ditempa iya,” ku Doris.

    Richard ningkilka diri ari PRS kena 15 Mei tu tadi. #UtusanBorneo

    No comments

    Post Top Ad

    Deka nemu berita benung #TRENDING tauka #VIRAL ninting hari:

    Post Bottom Ads