Ulih enda GPS diterima semua rayat Sarawak?, ku Peter Minos - Berita Iban Online

Header Ads

  • Baru Nyadi

    Ulih enda GPS diterima semua rayat Sarawak?, ku Peter Minos

    Datuk Peter Minos

    KUCHING, Jun 18: Ninggalka Barisan Nasional (BN) ti enda dikerindu agi sigi mudah, tang sekalika semudah nya nentuka Gabungan Parti Sarawak (GPS) diterima manah rayat Sarawak?.

    Siti agi tanya iya nya ulih enda Parti Pesaka Bumiputera Bersatu (PBB), Parti Rakyat Bersatu Sarawak (SUPP), Parti Rakyat Sarawak (PRS) enggau Parti Demokratik Progresif (PDP), ti numbuhka GPS, nempa siti gempung baru ke ulih diterima semua pengundi di Sarawak ba pengawa bepilih kunsil negeri nyerumba tau 2021 ila?.

    Mayuh orang deka nemu pekara nya taja pan ke bendar, rayat Sarawak nemu kebuah PBB, SUPP, PRS dan PDP mutuska kaul enggau BN, ku penganalisis politik, Datuk Peter Minos.

    "Rayat meda nadai reti agi begulai enggau BN, kelebih agi UMNO pengudah kedua-kedua nya dikeenggaika rayat Malaysia pengudah tebantai bemacham dawa pengawa salah,salah nguna kuasa sereta ngelimpang belanja menua", ku iya kemari.

    Ku Minos, diatu rayat Malaysia nyengkaum di Sarawak berasai geli sereta leju enggau BN.

    "Pengandal sereta basa ngagai BN udah nadai agi. Nya kebuah, pemutus rayat Malaysia ke ulih berunding enggau manah ninggalka BN, ukai aja udah dipelaba, tang sigi dianti", ku iya seraya madahka singkang PBB, SUPP, PRS enggau PDP nya nyelai tang sigi patut.

    Ku Minos, diatu udah ba maya ke patut ngambika GPS sereta kuing politik enggau juluk sida diterima semua rayat Sarawak, kelimpah ngiga jalai bakani nentuka simbol sereta perambu ditanam teguh ba runding rayat Sarawak lalu bakani madamka  kenang ke enda manah bekaul BN.

    Enda mudah, tang ulih, jampat agi manah agi. Pengelubah nentuka GPS direjister sechara rasmi enggau pengelubah ngerembaika idea sereta konsep GPS deka ngujungka pekara nya diatu ke diterima manah bebali nyadi chelap" ku Minos, ke mega charmain Majlis Perbandaran Kota Samarahan sereta ex-sapit ketuai publisiti PBB.

    Ku iya, siti chara ke chukup ngasi dikena ngangkatka GPS ba rayat Sarawak nyema gempung nya dilancharka, bala ketuai sida lalu ngenukuka gawa sereta negi ngambika kuasa enggau hak Sarawak baka ke dalam Sempekat Malaysia 1963 (MA63) dipulai ngagai negeri tu enggau penyampat.

    Kelimpah ari nya ku iya, sida mesetj madahka pemansut minyak enggau gis Sarawak deka dipulai ngagai negeri tu nyerumba Julai 1 taun tu baka ti udah ditetapka.

    Ku Minos, isu berat iya nya mutarka pekara bekaul Tanah Hak Adat Bumiputera (NCR), nyediaka pelasar perengkaguna ngagai orang seranta di menua pesisir, muka pengawa puang sereta nambah penatai pemisi, ngadaka peluang dagang ba semua, mulaika guna jaku Inggeris sereta nambah manah bidang pelajar enggau ke bukai, ti meseti dipejalaika.

    "Ba penemu aku, tu siti singkang pengemun ke manah sereta ngasi ngagai GPS. Ngarapka GPS mujur laban pemujur nya deka pulaika pemaik ngagai enggau Sarawak", ku iya.

    Kena Hari Tiga minggu nyin tadi, Kepala Menteri Sarawak Datuk Patinggi Abang Johari Tun Openg mantaika pemutus empat partinya ninggalka BN pengudah begulai pengelama 45 taun.

    Ku iya, pemutus nya diambi pengudah berandau sereta beratika gaya politik menua ke diatu pengudah Pengawa Bepilih Besai Ke-14 kena Mei 9 tu tadi. #DayakDaily

    No comments

    Post Top Ad

    Deka nemu berita benung #TRENDING tauka #VIRAL ninting hari:

    Post Bottom Ads