Header Ads

  • Berita Tebaru

    50 buah sekula repuk ke digaga JKR deka tembu bulan Ogos tu

    Menteri Kereja Raya, YB Baru Bian

    KUCHING: Bisi 50 buah sekula repuk di Sarawak dilempai ba Opis Kereja Raya (JKR) negeri ngambika diangkatmanah tauka diseruri, deka tembu endar digaga opis nya ba bulan Ogos tu.

    Menteri Kereja Raya, YB Baru Bian madah nya sebagi ari 116 sekula ke udah dikelala deka diangkatmanah, lalu opis nya udah bejalaika pengawa enggau manah taja pan lubah ari pelin asal.

    Ku iya, sekula ke lebih nya dilempai ba Opis  Menteri Pelajar.

    Bejaku ngagai pemberita pengudah ninga penerang sentang projek opis nya ba indu opis JKR Sarawak di Wisma Saberkas kemari, Baru madahka urung 210  buah agi sekula repuk dikelala ngambika diangkatmanah tauka diseruri di Sarawak udah tu ila.

    Ku iya, agih belanja ungkup 210 buah sekula repuk nya engka deka dipasuk ari baruh bajet ungkup renggat dudi taun baru. #DayakDaily

    No comments

    Post Top Ad