Deriba Proton Saga bebadi sepengudah belantak enggau lori kargo di Tatau - Berita Iban Online

Header Ads

  • Baru Nyadi

    Deriba Proton Saga bebadi sepengudah belantak enggau lori kargo di Tatau

    Raban bomba benung bejalaika operasyen ngemansutka mansa ari kereta (gambar mit)

    TATAU: Siku bebadi nyawa tang dua bakal sepengudah eksiden besemak SMK Tatau, Jalai Bintulu-Sibu pagi tadi.

    Pemantu Direktor Bagi Operasyen Bomba enggau Penyelamat Negeri, Tiong Ling Hii madahka bisi nerima talipaun 'panggilan kecemasan' urung jam 10.33 pagi enggau sebuah LFRT enggau 12 iku raban bomba ari Balai Tatau berumban ngesah ke palan penusah ke nyadi.

    “Lebuh maya datai ba palan penusah ke nyadi, raban bomba ngeripotka eksiden nya antara sebuah lori kargo ke ngundan barang belantak enggau sebuah kereta Proton Saga FLX ari jalai ngelaban arus.

    “Deriba Proton Saga, siku lelaki dikelala enggau nama Ngelambong Anak Awan, 46 taun, tesepit ba endur tempat duduk pemandu.

    Mansa nya disahka raban perubat 'paramedik' bebadi nyawa dipalan penusah ke nyadi lebuh maya sida datai ngesah dia.

    “Raban bomba udah ngemansutka mansa ngena perengka nyelamat ‘rescue tool’ sebedau diserahka ngagai raban Polis Diraja Malaysia.

    “Deriba enggau kelindan lori kargo udah mujur dipansutka genturung pendiau ke bisi di palan penusah ke nyadi.

    Deriba lori nya diripotka bisi bakal ba kaki enggau punggung tang kelindan lori, selamat tauka nadai bakal.

    “Mansa diperubatka raban perubat 'paramedik' dulu sebedau dianjung sepital. #BeritaIbanOnline

    No comments

    Post Top Ad

    Deka nemu berita benung #TRENDING tauka #VIRAL ninting hari:

    Post Bottom Ads