#InjilSeharitu: 2 July 2018 - Hari Satu ba Minggu Ke Tiga Belas Musim Selama - Berita Iban Online

Header Ads

  • Baru Nyadi

    #InjilSeharitu: 2 July 2018 - Hari Satu ba Minggu Ke Tiga Belas Musim Selama

    Lebuh Jesus meda pemayuh orang begelumu ngelingi Iya, Iya lalu ngasuh sida murid Iya ngelayang ke seberai danau nya.

    Selamat pagi, 2 July 2018 - Hari Satu ba Minggu Ke Tiga Belas Musim Selama, ngagai semua bala pemacha BeritaIban.com.

    Bacha Ke Satu:

    Amos 2: 6 - 10, 13 - 16

    Ku TUHAN bejaku,
    “Orang Israel enda ngetu-ngetu bedosa, lalu ketegal nya Aku tetap deka ngukum sida, laban sida nyual orang ke lurus kena meli pirak, enggau nyual orang ke seranta kena meli sepasang selipar, nyadi ulun orang bukai.

    Sida ngindik orang ke lemi, enggau orang ke nadai daya, lalu ngejuka orang ke seranta. Anak enggau apai sama beleman enggau siku indu ke ulun, lalu ngamahka nama Aku ti kudus.

    Sida gali ngimbai alta belapikka kain ti nyadika gadai utang orang ke seranta, lalu dalam Rumah Sembiang Allah Taala sida ngirup wain ti udah dibeli ngena duit ukum orang ke berutang ba sida.

    Tang taja pia, kita ke nembiak Aku, ketegal kita meh Aku udah ngeluska orang Amor, ti tinggi baka kayu sidar, sereta kering baka kayu oak.

    Aku udah mai kita pansut ari menua Ejip, nguluka kita nengah menua puang empat puluh taun, lalu meri kita menua orang Amor nyadika menua kita.

    Diatu Aku deka ngenyakka kita ke tanah, lalu kita deka bedemuh munyi kerita tarit ti sarat laban gandum.

    Indah orang ke laju belanda deh enda ulih ngerarika diri. Orang ke kering deka lembut tulang, lalu bala soldadu enda ulih ngidupka nyawa diri.

    Orang ke landik ngena panah deh enda ulih nanka diri. Orang ke laju belanda, enda ulih rari, lalu orang ke nepan kuda enda ulih rari ngidupka nyawa diri.

    Ba hari nya, indah soldadu ke pemadu berani deh deka ngelengkaka senyata sida, lalu rari.”

    TUHAN udah bejaku.

    Masmur Entara:

    Masmur 50: 16BC - 17, 18 - 19, 20 - 21, 22 - 23

    Saut (peda 22a): Kingatka tu, kita ke enda kala ibuhka Allah Taala.

    Ke Satu
    “Nama kebuah kita besebutka pesan Aku?
    Nama kebuah kita berandauka sempekat Aku? Kita enggai ngelakka Aku ngajar kita.
    Kita nulak pesan Aku.”

    Saut: Kingatka tu, kita ke enda kala ibuhka Allah Taala.

    Ke Dua
    “Kita bepangan enggau semua penchuri ke dipeda kita, lalu kita begulai enggau orang ke butang.

    Kita endang seruran sedia deka bejaku jai.
    Kita enda kakang bula.”

    Saut: Kingatka tu, kita ke enda kala ibuhka Allah Taala.

    Ke Tiga
    “Kita sedia deka bedawaka kaban belayan kita empu lalu begigaka penyalah sida.

    Kita udah ngereja semua utai nya, lalu Aku enda bejaku seleka, nya alai kita ngumbai Aku baka kita.
    Tang diatu Aku nganu kita lalu nerangka pekara tu ngagai kita.”

    Saut: Kingatka tu, kita ke enda kala ibuhka Allah Taala.

    Ke Empat
    “Pendingka tu, kita ke enggai ibuhka Aku,
    enggai ke Aku ngerusak kita, lalu nadai orang deka ngidupka kita.

    Meri terima kasih nya piring ti ngemesaika Aku, lalu Aku tetap deka ngelepaska semua orang ke ngasika Aku.”

    Saut: Kingatka tu, kita ke enda kala ibuhka Allah Taala.

    Alleluia (peda Masmur 95: 7C - 8A)

    Alleluia, alleluia
    Sehari tu dingaka utai ti disebut Iya:
    Anang kieh.
    Alleluia.

    Bacha Injil

    Matthew 8: 18 - 22

    Lebuh Jesus meda pemayuh orang begelumu ngelingi Iya, Iya lalu ngasuh sida murid Iya ngelayang ke seberai danau nya.

    Siku pengajar Adat datai ngagai Iya, lalu bejaku, “Pengajar, aku deka bejalai enggau Nuan ngagai sebarang endur Nuan bejalai.”

    Ku Jesus bejaku ngagai iya, “Munsang bisi lubang, lalu burung bisi tansang, tang Anak Mensia nadai endur alai ngalika Diri.”

    Siku ari sida murid Iya bejaku ngagai Iya, “Tuhan, awakka aku pulai dulu lalu nguburka apai aku.”

    Tang ku Jesus bejaku ngagai iya, “Titihka Aku. Awakka orang ke mati nguburka bala sida empu ke mati.”

    No comments

    Post Top Ad

    Deka nemu berita benung #TRENDING tauka #VIRAL ninting hari:

    Post Bottom Ads