Header Ads

  • Berita Tebaru

    Menteri Kereja baru, Baru Bian dikeandal ulih mai mayuh agi pemansang infrastruktur

    Kaban Kunsil Nengeri (ADUN) Tamin, Christopher Gira Sambang.

    SIBU: Menteri Kereja Raya ti baru dipadu gawa, Baru Bian dikeandal ngemai mayuh agi pemansang ngagai Sarawak enggau fokus ba pemansang infrastruktur.

    Kaban Kunsil Nengeri (ADUN) Tamin, Christopher Gira Sambang madahka diri tepantup ati enggau pengawa nyirika Baru deka ngemai pemanah ngagai Selangau ke alai Baru nyadi kaban parlimen sida. Sitak parlimen Selangau mungkur sitak kunsil nengeri Tamin enggau Kakus.

    “Ari pengawa nyiri iya tu, rayat ngandalka diri deka bekunsika mayuh agi pemansang di Tamin kelebih agi ba pengawa ngaga mayuh agi jalai di kandang menua pesisir,” ku Gira.

    “Ngaga jalai baru beguna amat laban tu deka berimbaka tanah ungkup pemansang baka kebun dandang besai sawit enggau utai tanam dagang bukai dikena nyungkak tikas idup peranak menua pesisir.”

    Iya nimbal sentang pengawa nyirika Baru nengah jaku pesan Whatsapp ngagai The Borneo Post kemari.

    Ku Gira, nyadi Kaban Kunsil Nengeri (ADUN) Tamin, iya sedarka pekara ti tinggal ba sukut pemansang di sitak iya nya.
    Ku iya, iya nyanggup gawa begulai enggau Baru laban fokus iya deka nentuka Tamin enda tinggal di belakang ba pekara pemansang.

    “Seagi polisi nengeri dipetati, kitai deka bekerejasama sereta gawa begulai enggau Pakatan Harapan,” ku iya. #UtusanBorneo

    No comments

    Post Top Ad

    Deka nemu berita benung #TRENDING tauka #VIRAL ninting hari:

    Post Bottom Ads


    Deka nemu berita benung #Viral ninting hari: