Header Ads

  • Berita Tebaru

    Mohammad Sabu udah nemuai meri basa ngagai TYT di Astana Negeri

    BERANDAU: Menteri Ngetanka Menua, Mohamad Sabu kemari udah nemuai meri basa ngagai Yang di-Pertua Negeri Sarawak, Tun Pehin Sri Abdul Taib Mahmud di Astana Negeri, Petra Jaya.

    KUCHING: Menteri Ngetanka Menua, Mohamad Sabu kemari udah nemuai meri basa ngagai Yang di-Pertua Negeri Sarawak, Tun Pehin Sri Abdul Taib Mahmud di Astana Negeri, Petra Jaya.

    Nya penemuai iya keterubah ke Sarawak pengudah dipadu nyadi Menteri Ngetanka Menua kena Mei tu tadi.

    Menteri Ngetanka Menua, Mohamad Sabu betemu sereta berandau enggau Tun Pehin Sri Abdul Taib Mahmud pengelama 30 minit.

    Tuju penemuai nya, dikena ngeratka kerejasama ari sukut pengelikun kelimpah negapka kaul entara perintah besai enggau negeri. 

    Ku iya, isu pengelikun nya pemerat opis menteri nya lalu sama besaup nyaga pekara nya begulai enggau opis sereta ejensi ke bekaul ari baruh opis menteri nya.

    Penemuai nya mega nyadi awak besaum peneleba enggau Taib, ke ngembuan mayuh peneleba ba renggat perintah besai tauka negeri.

    Iya lalu terus mulaika diri ke Kuala Lumpur pengudah ke nemuai nya. #DayakDaily

    No comments

    Post Top Ad