Pemesai Sarawak meri puji Baru, Chong dipilih dalam kabinet PH - Berita Iban Online

Header Ads

  • Baru Nyadi

    Pemesai Sarawak meri puji Baru, Chong dipilih dalam kabinet PH

    DIKEANDALKA RAYAT SARAWAK: Baru (kiba) enggau Chong pengudah ngangkat sumpah nyadi Menteri Kereja enggau Sapit Menteri Dagang Dalam Menua enggau Pengguna di Istana Negara, kemari. 📷 #Bernama

    KUCHING: Bala pemesai menua Sarawak kemari meri jaku puji ngagai YB Baru Bian enggau YB Chong Chien Jen ke bela dipadu nyadi Menteri Kereja enggau Sapit Menteri Pengawa Dagang Dalam Menua enggau Pekara Pengguna dalam Kabinet Perintah Pakatan Harapan (PH) alai kuasa ti dipangku ke semua sida ke dipadu, berengkah kemari.

    Kaban Parlimen Petra Jaya, Datuk Seri Fadillah Yusof dalam penerang ke dikirum iya meri puji ngagai Perintah PH laban udah milih pengari rayat ari Sarawak, ke ngipak endar enggau pemerat beratika projek besai baka Pan Borneo ulih dipajakka lalu digaga enggau mujur.

    “Aku ngarapka YB Baru ulih beratika projek Pan Borneo Sarawak enggau Sabah dipajakka baka ke udah diperambu sereta dikemendar ulih Perintah sebedau tu, ke deka nyadi pengelantang pendiau rayat di kededua buah menua tu,” ku iya.

    Menteri Pengelantang Pendiau, Orang Indu enggau Komuniti Sarawak Datuk Fatimah Abdullah mega meri puji ngagai Baru  Bian enggau Chong  Chien Jen ke tuduh pangku pengawa ke diberi ngagai seduai iya.

    Ba lansa tu mega, Kaban Parlimen Batang Lupar Datuk Seri Rohani Karim lebuh dikerandau kemari nyerumba tuduh penagku pengawa ti diberi ngagai kededua pemesai tu meri peluang ngagai nyawa rayat Sarawak deka majak didinga di renggat Perintah Besai.

    “Aku gaga endar hari ninga bisi pengari ari Sarawak dalam kabinet perintah PH, lalu aku ngarapka sedua iya ulih mai pemerat rayat kelebih agi di Sarawak dikemansangka,” ku iya. #Bernama

    No comments

    Post Top Ad

    Deka nemu berita benung #TRENDING tauka #VIRAL ninting hari:

    Post Bottom Ads