Header Ads

  • Berita Tebaru

    Projek Jalai Besai Pan Borneo udah tembu 22% naka ke diatu

    Menteri Kereja Raya, YB Baru Bian

    KUCHING: Projek Jalai Besai Pan Borneo Sarawak ke beungkus RM16.6 bilion naka ke diatu udah tembu 22 peratus, ngelui 2 peratus ari ke ditagit.

    Menteri Kereja Raya, YB Baru Bian ba aum media pengudah nemuai ngagai Indu Opis Kereja Raya (JKR) Sarawak di Wisma Saberkas madah, iya arap endar projek nya ulih ditembu nitihka pelin.

    Fasa keterubah Jalai Besai Borneo diperambu tembu ba taun 2021 ari 11 pakej projek.

    Pengawa ngangkatmanah 50 sekula repuk di Sarawak nengah JKR mega ku Baru, lanchar sereta deka tembu magang ba bulan Ogos. 

    Ku Baru, 66 buah sekula repuk udah diputarka Opis Menteri Pelajar Malaysia (KPM), lalu sida berunding deka ngambi projek ngangkatmanah ke bisi penanggul nya. #DayakDaily

    No comments

    Post Top Ad