Header Ads

  • Berita Tebaru

    Ubah ba Kod Tanah Sarawak 2018 tetap dibantai taja bisi bantah mayuh piak

    Datuk Amar Doglas Uggah

    KUCHING: Ubah ba Kod Tanah Sarawak 2018 ba sentang Pemakai Menua enggau Pulau Galau tetap deka dibantai ba aum Dewan Undangan Nengeri (DUN) ke-18 tu, kuu Sapit Kepala Menteri Datuk Amar Doglas Uggah.

    Tajapan bisi nerima bantah ari sekeda gerempung ke ukai dikuasa perintah (NGO), Uggah netapka ubah ba undang-undang nya deka dibacha kena 11 julai tu iya nya ila.

    ‘Ke pemadu berat iya nya perintah mendingka rayat ke alai kitai deka mantaika ubah ba undang-undang ti mutarka isu tu.

    “Anti maya aku mantaika ubah undang-undang tu. Kepala Menteri meratika isu enggau berat lalu iya minta komiti mutarka isu tu,” ku iya.

    Iya mansutka jaku nya lebuh dikerandau pemberita pengudah ngulu pengawa bejadi Aum DUN Ke-18 di Komplek DUN ditu, kemari.

    Pengawa dipenyadi Tuyai Pemegai Menua (TYT) Tun Pehin Sri Abdul Taib Mahmud sereta digulu Kepala Menteri Datuk Amar Abang Johari Tun Openg.

    Uggah ke mega Menteri Betanam Betupi Moden, Tanah Adat enggau Pemansang Kandang Menua pechaya undang-undang nya chukup komprehensif, ingklusif sereta mungkur bansa melayu melanau.

    ‘Isu diatu iya nya kort mutus diak pemakai menua enggau pulau galau tu ‘no force of law’, ke semina adat aja.

    “Tanggungpengawa komiti ke ditumbuh tu iya nya mutarka isu tu. Baka ni kami mutar, anti maya aku macha ubah ba undang-undang tu kena Hari Tiga,” ku Uggah nandu. #UtusanBorneo

    No comments

    Post Top Ad