UTAMS nyema dikemendar enda ngurangka tanah NCR - Berita Iban Online

Header Ads

  • Baru Nyadi

    UTAMS nyema dikemendar enda ngurangka tanah NCR

    Datuk Amar Douglas Uggah Embas

    KUCHING: Ubah Tanah Adat Menua Sarawak (UTAMS) ke nyengkaum tanah adat (NCR), nyema enti iya dikemendarka maya aum Kunsil Nengeri (DUN) tu ila, enda ngurangka tanah NCR.

    Ketegal Seksyen 5 Adat Tanah Menua Sarawak (ATMS) ke ngelala pemisi NCR ke tebilang agi dikelala enggau nama Pemakai Menua (PM) enggau Pulau Galau (PMPG) deka diubah, komuniti Dayak enda lenyau tanah NCR sida iya.

    Nambah enggau nya, NCR - diberi nama baru - deka diberi empas kuasa undang-undang, ku Sapit Kepala Menteri Datuk Amar Douglas Uggah Embas.

    Maya pengawa makai lemai Serakup Indu Dayak Sarawak (SIDS) ke-61 di sebengkah hotel ditu, malam hari Minggu tu tadi, Uggah ngenyenuhka penangi kaban komuniti Dayak, nyamin sida iya, iya nya Perintah Menua Sarawak baruh pegai Gabungan Parti Sarawak (GPS) amat deka mutarka penanggul ke ditapi PMPG ke sekali tu, enggau ubah bekait enggau penuduk ke ngena dalam ATMS.

    Ku Uggah, iya deka mantaika pekara nya enggau silik, maya baum DUN, kelebih agi ba usul ATMS ke deka diubah pagila (hari Tiga, 11 Julai).

    “UTAMS deka mutarka penanggul Pemakai Menua enggau Pulau Galau, ke nadai kuasa undang-undang baruh ATMS. Lalu tuju ngaga ubah tanah tu laban deka meri kuasa undang-undang ngagai adat PMPG,” ku iya.

    Uggah madahka Perintah Menua Sarawak (baruh perintah GPS) nadai tuju bukai tang betatika penanggul bekait enggau PMPG dikemutarka.

    Uggah ti mega nyadi Sapit Presiden Parti Pesaka Bumiputera Bersatu (PBB) madahka ATMS, siti pekara ke lama endar udah di anti ulih mensia mayuh, ke patut dikemutarka, pengudah mayuh udah berita bekait enggau pekara tu dikejakuka, lalu dibacha ba surat berita enggau media rama.

    Iya nandu baru madahka, Perintah GPS ngamatka semaya lebuh iya madahka ATMS deka dibantaika dalam bulan Julai 2018.

    Uggah mega enda nyakal mayuh orang ke bisi pemerat sida iya empu bekait enggau pekara nya.

    Taja pia, raban Pakatan Harapan (PH) udah madahka bala Kaban Kunsil Nengeri (ADUN) maya debat nya pagila, sida iya deka mantah usul nya. Sida iya madahka UTAMS nya bisi pengurang. #UtusanBorneo

    No comments

    Post Top Ad

    Deka nemu berita benung #TRENDING tauka #VIRAL ninting hari:

    Post Bottom Ads