163 kes angus nyadi dalam timpuh setengah bulan ba serata Sarawak - Berita Iban Online

Header Ads

  • Baru Nyadi

    163 kes angus nyadi dalam timpuh setengah bulan ba serata Sarawak

    GAMBAR PENGIAS: Raban bomba ngerara api ti mau.

    KUCHING: Urung 163 kes angus dirikod nyadi dalam timpuh kurang ari sebulan ba serata Sarawak. 

    Pekara nya dipansutka Direktor Opis Bomba enggau Penyah Penusah  Malaysia (JBPM) Sarawak Nor Hisham Mohamad ti mantakka penyampau kes nya nyadi dalam timpuh 1 nyentuk 16 Ogos taun tu. 

    “Kes angus tu nyengkaum babas, lalang, kampung enggau tanah kerapa urung 468.93 ekar pemesai ari timpuh 1 nyentuk 16 Ogos taun tu aja,” ku iya maya dirandau kemari. 

    Ngelansa silik pasal penyampau kes angus nya, Nor Hisham madaj, ungkup timpuh 3 nyentuk 4 Ogos diperati siti kes angus ba Miri, 4 nyentuk  5 Ogos mungkur tujuh kes iya nya ba Petra Jaya, Batu Lintang, Miri, Lopeng, Sri Aman, Simunjan enggau Limbang. 

    “Ungkup timpuh 5 nyentuk 6 Ogos mega diperati mungkur lima kes angus iya nya ba Mukah, Simunjan, Bintulu, Batu Lintang enggau Sungai Merah udah nya ungkup timpuh 6 ngagai 7 Ogos bisi kes angus ba Tabuan Jaya, Sungai Merah, Sibu, Petra Jaya enggau Tanjung Manis. 

    “Ungkup 7 ngagai  8 Ogos mungkur 10 kes iya nya nyadi ba Bintangor, Petra Jaya, Kanowit, Lundu, Lopeng, Siburan, Sri Aman, Kota Samarahan, Sungai Merah enggau Miri,” ku iya. 

    Ungkup timpuh 8 ngagai 9 Ogos, ku iya mungkur lima kes angus iya nya  dua kes di Lopeng enggau siti kes bela mungkur sitak Serian, Sibu enggau Betong. 

    Tambah mega, ungkup 9 ngagai 10 Ogos iya nya mungkur 11 kes iya nya Kapit, Lopeng (3 kes), Sarikei, Sibu (3 kes), Sungai Merah, Miri enggau Tanjung Manis. 

    “Kena haribulan 10 ngagai 11 Ogos dirikod tujuh kes angus iya nya ba Bintulu, Sibu, Saratok, Lopeng (dua kes), Sri Aman enggau Sungai Merah. 

    “Udah nya ari 11 ngagai 12 Ogos bisi semilan kes angus iya nya dua ba Mukah, tiga di Sibu enggau bela siti ba Kota Samarahan, Sungai Merah, Sri Aman enggau Tanjung Manis,” ku iya. 

    Nor Hisham madah, kes angus betambah dalam tempoh lima hari tu iya nya 25 kes ungkup timpuh  12 ngagai 13 Ogos mungkur sitak Miri (2), Bintangor (2), Sungai Merah (4), Mukah (4), Sibu (4), Lundu (2), Lopeng (3), Sarikei (2), Tabuan Jaya (1) enggau Betong (1). 

    “Udah nya, ari 13 ngagai 14 Ogos bisi  27 kes mungkur sitak Sri Aman (2), Bintulu (1), Sarikei(1), Kapit (1), Bau (1), Bintangor (2), Miri (3), Siburan (1), Simunjan (1), Mukah (3), Sibu (4), Lundu (1), Saratok (1), Sungai Merah (3), Betong (1) enggau Lopeng (1). 

    “Ungkup timpuh 14 ngagai 15 Ogos dirikodka 23 kes iya nya Petra Jaya (1), Bau (1), Saratok (1), Sibu (6), Sungai Merah (3), Sarikei (1), Mukah (2), Bintulu (5), Miri (1), Lopeng (1) enggau Marudi (1),” ku iya. 

    Tambah mega ungkup timpuh 15 ngagai 16 Ogos mungkur 26 kes angus nyadi ba  12 sitak iya nya Petra Jaya (2), Batu Lintang (2), Lundu (2), Kota Samarahan (1), Sri Aman (2), Bintangor (1), Sungai Merah (4), Sibu (2), Mukah (2), Bintulu (1), Lopeng (4) enggau Miri (3). 

    Nya alai, iya ngelalau rayat Sarawak, lebih agi raban orang bumai enggau pekebun anang nunu sebarang jam ke diatu laban penanggul sebun benung mangka menua. 

    “Aku ngarap rayat nemu rayat mereti bekaul enggau isu ke nyadi diatu lalu anang sesekali nguji nunu laban gaya utai ba luar chukup rangkai sereta angat deka majak nyadi ba nengeri tu. 

    “Anang rindu bemain enggau api laban taja iya dipeda enda jauh nyerarai tang enti udah mau tusah deka dipadam,” ku iya. #UtusanBorneo

    No comments

    Post Top Ad

    Deka nemu berita benung #TRENDING tauka #VIRAL ninting hari:

    Post Bottom Ads