Header Ads

  • Berita Tebaru

    24 August 2018 - Hari Lima ba Minggu Ke Dua Puluh Musim Selama

    Natanel lalu nanya Iya, “Baka ni ku Nuan ngelala aku?”  Disaut Jesus, “Aku endang udah meda nuan di baruh kayu ara nya tadi, sebedau Philip ngangauka nuan.” 📖 John 1 : 45 - 51

    24 August 2018 - Hari Lima ba Minggu Ke Dua Puluh Musim Selama (Feast of Saint Bartholomew, Apostle)

    Bacha Ke Satu:

    Pemandang 21: 9B - 14

    Melikat datai lalu bejaku ngagai aku, 
    “Datai kitu, laban aku deka nunjuk ke nuan Tunang, iya nya bini Anak Domba.”

    Melikat nya lalu mai aku dalam roh ngagai tuchung bukit sigi ti besai sereta tinggi, lalu mandangka ngagai aku nengeri Jerusalem ti kudus, ti nurun ari serega, ari Allah Taala, ti beperenching laban mulia Allah Taala, beperenching baka batu ti berega, baka batu asija, chiru baka batu kristal.

    Nengeri nya bisi dinding kuta ti besai sereta tinggi, enggau dua belas iti pintu, lalu ba genap iti pintu nya bisi siku melikat, lalu ba semua pintu kuta nya bisi dituliska nama dua belas raban bansa orang Israel;

    tiga iti pintu ba dinding kuta ti muak ke timur, tiga muak ke utara, tiga muak ke selatan, lalu tiga muak ke barat.

    Lalu dinding kuta nengeri nya didirika ba atas dua belas igi batu pemun, lalu ba dua belas igi batu pemun nya bisi dituliska nama dua belas iku rasul Anak Domba.

    Masmur Entara:

    Masmur 145: 10 - 11, 12 - 13B, 17 - 18

    Saut (peda 12): Semua orang nemu pemesai pengawa Nuan enggau pemesai mulia perintah Nuan.

    Ke Satu
    Semua utai ti idup ti udah digaga Nuan, O TUHAN, deka meri terima kasih ngagai Nuan, lalu semua nembiak Nuan deka muji Nuan.Sida deka bejakuka pasal mulia diraja Nuan lalu madahka pasal kuasa Nuan.

    Saut: Semua orang nemu pemesai pengawa Nuan enggau pemesai mulia perintah Nuan.

    Ke Dua
    Ngambika semua orang nemu pemesai pengawa Nuan enggau pemesai mulia perintah Nuan. Perintah Nuan endang meruan belama iya, lalu Nuan nyadi Raja belama iya.

    Saut: Semua orang nemu pemesai pengawa Nuan enggau pemesai mulia perintah Nuan.

    Ke Tiga
    TUHAN endang lurus dalam semua utai ti dikereja Iya, ngayanka pengasih dalam semua pengawa Iya. Iya diau semak sida ke ngangauka Iya, ke ngangauka Iya enggau ati ti bendar.

    Saut: Semua orang nemu pemesai pengawa Nuan enggau pemesai mulia perintah Nuan.

    Alleluia (peda John 1: 49B)

    Alleluia, alleluia
    Pengajar, Nuan amat Anak Allah Taala! 
    Nuan tu meh Raja orang Israel!
    Alleluia.

    Bacha Injil:

    John 1: 45 - 51

    Philip tetemuka Natanel, lalu madah ngagai iya, “Kami udah tetemuka orang siku ke dikenang Moses dalam Bup Adat enggau ditulis sida nabi, Jesus anak Josep, ari Nasaret.”

    Natanel lalu bejaku enggau Philip, “Kati utai ti badas ulih datai ari Nasaret?”  Philip lalu nyaut, “Aram tua meda.”

    Lebuh Jesus meda Natanel mansang ngagai Iya, Iya lalu bejakuka pasal Natanel, “Tu baru orang Israel ke bendar, ke nadai nemu ngelakar!”

    Natanel lalu nanya Iya, “Baka ni ku Nuan ngelala aku?”  Disaut Jesus, “Aku endang udah meda nuan di baruh kayu ara nya tadi, sebedau Philip ngangauka nuan.”

    Natanel lalu nyaut Iya, “Pengajar, Nuan amat Anak Allah Taala! Nuan tu meh Raja orang Israel!”

    Disaut Jesus, “Kati nuan arap laban Aku udah madahka Diri meda nuan di baruh kayu ara nya tadi? Nuan deka meda utai ti besai agi ari nya!”

    Lalu ku Iya bejaku ngagai Natanel, “Enggau bendar Aku madah ngagai kita: kita deka meda langit tebuka, lalu meda bala melikat Allah Taala nurun-niki ngagai Anak Mensia.”

    No comments

    Post Top Ad

    Deka nemu berita benung #TRENDING tauka #VIRAL ninting hari:

    Post Bottom Ads


    Deka nemu berita benung #Viral ninting hari: