9 bengkah pengawa orang ke dikelala enggau nama apai ti enda ditemu kitai - Berita Iban Online

Header Ads

  • Baru Nyadi

    9 bengkah pengawa orang ke dikelala enggau nama apai ti enda ditemu kitai

    Gambar pengias

    Tu rintai beberapa pengawa tauka pekara ke enda kala dipadah apai ngagai kitai, tajapan iya benung tusah ati:

    1. Apai enda chukup duit belanja.

    Ninting hari enggau bulan, apai seruran berundingka perengkaguna di rumah, perengkaguna dapur, perengkaguna bala anak, bini, enggau kepenudi sekali baru perengka ke diguna iya empu tauka apai. Kitai engka enda nemu, dalam kerepai apai semina tinggal RM10 lebuh maya kitai betalipaun minta duit ari iya maya di sekula, universiti tauka kolej.

    Lebuh maya pun bulan, sigi gaga mih ati laban udah terima gaji. Tang enti udah dikena bebayarka semua perengkaguna ninting hari, semua juluk ati apai deka meli utai guna diri pan tejangal tauka enda nyadi. Lalu nyentukka sehari tu, iya lalu enda ingatka nama utai kedeka dibeli iya.

    2. Apai enda nyamai ati enti enda ulih meli ke kita ayam.

    Apai deka ngasuh kita gaga ati. Enti ulih, iya deka meli semua ayam ke bisi dijual ba kedai lalu diberi ngagai kitai. Tang bisi gak maya iya patut ngajar enggau meri disiplin ngagai kitai.

    Bisi maya mega, duit enda chukup. Apai berasai enda nyamai ati tauka besalah maya enda ulih meli ke kitai ayam. Enti bisi duit lebih, utai siti aja ayam ti deka dibeli iya tang nya mih utai ke dibeli apai dulu sekali. Ukai utai bukai.

    3. Apai rindu begulai enggau kitai.

    Amai apai dipeda nuan baka ke enda nemu bejaku enggau kita tang kebatang endar iya deka kitai seruran ngingatka iya dalam ati belama.

    Enti ulih, iya deka ngetuka jam awakka iya ulih begulai enggau semua bala anak iya baka indai nuan ngemata ke kita mansang besai.

    Kelimpah ari nya, maya keterubah nuan baru nemu nyikang ke kaki tauka belajar bejalai enggau baru nemu bejaku, lalu maya nya mih hari ti pemadu gaga begulai enggau kitai.

    4. Apai udah nguji enggau naka ulih deka begulai enggau diri sebilik.

    Kita engka enda nemu, apai suah pulai laun gawa ‘overtime’ ketegal deka nambah duit belanja dikena bebelika perengkaguna rumah enggau utai ke dipinta tauka ditagih kitai.

    Tajapan apai kelalu bendar gawa, pechaya mih dalam apai semina ngiga duit belanja dikena meli utai ke dipinta, ngisi utai ke kurang di rumah enggau nupi kitai.

    Tang laban ke mensia, apai mega kala ngaga utai ti salah. Engka nya tau ngasuh kitai enda puas ati, ringat tauka bedendam, kelebih agi enti bisi janji ke disemayaka iya balang. Enda nemu nama kebuah, kitai ngasaika apai enda tau ngereja penyalah tauka pengawa ke dikereja ke iya seruran engkeman.

    Taja pan iya, udah nguji ngemetulka utai ti salah enggau naka ulih, ukai sengaja apai deka ngasuh kita ringat ke iya. Enti kita sinu tauka enda nyamai ati, enda ibuh sebut enti apai kitai, tak naka mih penyinu ati iya..

    5. Apai lelak.

    Apai lelak. Kekadang apai kiruh nganjung enggau ngambi kitai ari sekula, nyentukka enda ingat ngetu merarau. Apai makai utai ke ulih diempa enggau lengkas aja sebedau nurun gawa baru.

    Penusah ke ditapi apai, kitai jarang nanya iya laban kitai pan nemu, enti ditanya pan iya gerenti madah nadai nama-nama tauka okay aja. Nyau lama kelama, kitai pan nyau enda ingat nanya iya baru.

    Bakani apai ulih ngereja pengawa tu ninting hari?, nya rasia iya. Enggau berekat ari Apai ke di Surga, apai kitai ulih ngemesaika kitai nyentukka sehari tu. Au, sehari tu. Taja pan kitai udah kawin enggau bisi ruang bilik kediri empu, apai agi nanya kitai "Chukup belanja, gari enggau pemakai kitai semenyanak?".

    6. Apai deka kitai mujur dalam pengidup enggau bulih pengawa ti manah ari iya.

    Maya kitai udah besai enggau gawa, baru kita nemu reti penusah ngidupka diri. Tang kala nuan ninga apai sebana pedis gawa?. Apai seruran tuchum tauka baka orang ke nadai penanggul enggau nadai kala mintaika sebana ba kitai. Nya mih salah siti tanda apai kitai kering ati enggau besabar napi semua penusah.

    Nya alai, apai enggai ke kitai merinsa baka iya. Iya deka meda kitai gawa manah agi ari iya.

    7. Apai deka kitai ulih ngidupka diri enggau nyadi orang ke menyana jemah hari ila.

    Semua utai ke ditagang tauka dilalau ngelamatu nang sigi kebuah iya empu. Lalu pia mega, semua utai ke diasuh apai ngelamatu pan baka nya mega. Kebatang endar, iya deka kitai belajar ngidupka diri. Laban apai nemu kitai meseti ulih ngidupka diri taja pan iya nadai agi jemah ila.

    Berebak enggau nya, penemu enggau jaku ajar ke diberi apai ngagai ulih nyadi ke teladan tauka chunto kena kitai berunding sebedau ngereja pengawa. Engka kitai bedau nemu reti jaku iya maya nya, tang kitai nemu reti nya ila. Enti kitai bisi utai deka ditanya, tanya aja mih. Apai irauka ke kitai enda nyamai ati tauka ringat.

    Kebatang endar, ukai apai enda ibuhka utai ke dipinta tauka ditanya kitai. Tang laban apai berunding panjai enggau nguji meri utai ke dipinta kitai. Iya deka bejalaika tanggungpengawa ngadi apai enggau nangka pemanah, penangkun enggau penyiru ati iya.

    8. Apai enda nyesal napi pemedis, pengelelak enggau sanggup ngereja semua pengawa ketegal deka ngidupka kitai.

    Maya umur apai majak tuai, apai berasai lantang ati sepengudah bala anak mujur dalam kereja tauka udah bisi ruang bilik kediri empu. Taja pan enda dipeda kitai, apai nang sigi sayau ke kitai. Nadai lebih, nadai kurang. Kitai aja ke nyangka utai sengapa.

    Kelimpah ari nya, apai mega enda mudah leju besembiangka kitai ninting hari ngambika kitai di berekat maya ngereja semua pengawa sereta ditengkila ka Tuhan belama. Apai enda kala nyesal ngereja pengawa ke udah digaga iya ke kitai ngelamatu taja pan enda ulih nitih utai ke dipaduka iya ngagai kitai.

    9. Apai semampai sayau ke kitai

    Nadai leka jaku bakani ka nerangka penyayau apai ngagai kitai. Apai enda nemu nusun leka jaku bebungai, apai mega enda entu landik bejaku baka pengelicha. Semina Tuhan aja nemu penusah enggau pemanah iya ngidupka kitai.

    NYAH MIH PEMANAH KE UDAH DIGAGA APAI NGAGAI KITAI SEMUA!

    Kitai enda nemu sereta meda semua pekara tu nyentukka kitai nyau besai diatu.

    Kelalu mayuh pemedis enggau napi pemar ke enda ulih ditulis tauka disebut enggau leka jaku ketegal penyayau iya ke kitai. Nya alai, kenang sereta kingatka mih pemanah basa enggau budi sereta pementas apai kitai maya iya benung begulai enggau kitai. Apai enda kala utai mayuh ba kitai... Tang apai semina deka begulai enggau kitai. Nya aja pan udah chukup manah ba iya... 📝 #NoorulaminMukhtasar

    O Tuhan,
    Beri mih pengerai ngagai apai kami ke udah bendar ngidup kami. Beri mih Surga ke manah ngagai apai kami. Terima kasih apai..
    Amin..

    Jaku Tangkan: Enti nyema nuan bisi utai deka ditambah ba artikel, tau meri komen ba ruang komen artikel tu. Tau 'Share' & 'Tag'. Terima kasih. :)

    No comments

    Post Top Ad

    Deka nemu berita benung #TRENDING tauka #VIRAL ninting hari:

    Post Bottom Ads