Header Ads

  • Berita Tebaru

    Aku berasai sinu ati sereta tegepang laban enda ulih nyelamatka kaban aku...

    Raban Bomba benung bejalaika Operasyen Ngiga enggau Nyelamat tiga iku pelajar dipelabaka lemas maya mandi ba Pantai Teluk Kalong malam kemari. 📷@RosliIlham

    CHUKAI: “Aku berasai sinu ati sereta tegepang laban enda ulih nyelamatka kaban aku, Khairil Ikmal (Danial Zamzuradi) taja pan aku mujur narit jari iya,” ku Ahmad Haikal Zaaba, 19 taun, sepengudah tiga iku kaban iya dipelabaka lemas maya mandi ba Pantai Teluk Kalong, ditu, lemai kemari.

    Kelimpah, Khairil Ikmal, pelajar Diploma Pengajian Perniagaan, Politeknik Kok Lanas, Kelantan; dua iku agi ke dipelabaka lemas ianya Ahmad Daniel Firdaus Zubir, pelajar Diploma Kulinari Management enggau Science University (MSU), enggau Shahir Aqil Shahrun, pelajar Diploma Kejuruteraan Mekanikal Politeknik Sultan Ibrahim, Johor.

    Gambar mansa ke dipelabaka lemas, Shahir Aqil Shahrun, Khairil Ikmal Daniel Zamzuradi enggau Ahmad Daniel Firdaus Zubir.

    Semua mansa beumur 19 taun dipelabaka lemas maya mandi begulai enggau empat iku kaban urung jam 6.30 lemai.

    Nyentuk jam 11 malam kemari, Operasyen Ngiga enggau Nyelamatka mansa agi dipejalaika 50 iku raban bomba, polis, raban Penyaga Periman Malaysia (APM) enggau Agensi Penguasa Maritim Malaysia.

    Ahmad Haikal madah, iya nguji nyelamatka Khairil Ikmal tang ketegal ai pasang raya, ngejungka mansa tebeleka megai jari iya. 

    “Aku enda kempang ati deka nangkap jari iya kedua kali laban nangika diri empu lemas,” ku iya maya ke dirandau pengarang berita ba palan penusah nyadi.

    Nembiak nya mega madah, iya begulai enggau semua mansa sereta tiga iku agi kaban ke sama genturung pendiau dia, mandi begulai ba pantai urung jam 5 lemai.

    Ku iya, kami sebuat mega sama sekaban ba sekula, lalu besemaya deka begempuru sereta mandi ba pantai nya serayaka ngintu kemisi Hari Aidiladha.

    “Maya kami benung mandi, enda mukai-mukai Ahmad Daniel ditabanka arus ai enggau jari iya enchapak sebedau Shahir Aqil nguji nyelamatka iya. Tang, kededua seduai iya lenyau ditabanka arus ai nya,” ku iya.

    Ahmad Haikal madah, pengudah meda dua iku kaban iya nya, Khairil Ikmal mega nguji mantu, tang iya mega dibai arus ai nya.

    “Maya penusah nyadi, ai tasik benung belabuh pasang sereta arus ai deras. Aku nguji deka nyelamatka Khairil Ikmal tang puntan taja pan aku udah mujur narit jari iya,” ku iya.

    Berindik ari nya, Sapit Penguasa Bomba, Balai Bomba Chukai, Mohd Zailani Mohamad, madah raban bomba bisi nerima kangau bekait enggau penusah nyadi lalu berumban ngesah ke palan penusah nyadi. 

    Ku iya, raban penyelamat ngemesaika agi endur bejalaika Operasyen Ngiga ba tasik nya urung penyauh sekilometer ari palan penusah nyadi.

    “Arus ai enggau ombak ti balat meri penanggul ngagai raban ke bejalaika Operasyen Ngiga enggau Nyelamat mansa, operasyen ba tasik nya diketuka urung jam 11 malam tadi.

    “Tang taja pia, operasyen ngiga mansa agi dipejalaika ngena chara ninjau sereta meratika semua endur ba tebing pantai nya,” ku iya.

    No comments

    Post Top Ad

    Deka nemu berita benung #TRENDING tauka #VIRAL ninting hari:

    Post Bottom Ads


    Deka nemu berita benung #Viral ninting hari: