Ampuh Bah: 3 buah sekula di Subis ditutup - Berita Iban Online

Header Ads

  • Baru Nyadi

    Ampuh Bah: 3 buah sekula di Subis ditutup

    Ketegal beratka pengelikun, bala pelajar diasuh mulaika diri.

    MIRI: Tiga buah sekula primari di pampang Subis ditutup ketegal napi pemar ampuh, sehari tu.

    Tiga buah sekula ke ditutup ianya Sekolah Kebangsaan (SK) Beliau Ahad, SK Kampung Bulau enggau SK Rumah Essau.

    Sekula nya ditutup sereta disahka Sekretariat Komiti Mutarka Penusah Ngenyit Sarawak, urung jam 10 pagi tadi.

    Sekretariat Komiti Mutarka Penusah Ngenyit Sarawak madahka penyampau 195 pelajar, 34 pengajar enggau enam staf ukai pengajar ari ketiga-tiga buah sekula nya.

    "Ketiga-tiga buah sekula nya ditutup ketegal beratka pengelikun, bala pelajar diasuh mulaika diri sepengudah ai majak niki ari satu niki ngagai dua kaki tumu pagi tadi," nitihka ke ditulis Sekretariat Komiti Mutarka Penusah Ngenyit Sarawak.

    No comments

    Post Top Ad

    Deka nemu berita benung #TRENDING tauka #VIRAL ninting hari:

    Post Bottom Ads