Header Ads

  • Berita Tebaru

    Anak mit tiga bulan patah lengan dipulaska ama

    Gambar anak mit (mansa) ke patah lengan kena Hari Tiga tu tadi.

    PARIT: Siku anak mit lelaki beumur tiga bulan patah lengan kanan dipechayaka dijamah ama (pengasuh) indu di Seksyen Dua, Seri Iskandar, Hari Tiga tu tadi.

    Ketuai Polis Pampang Perak Tengah Superitendan Mohamad Zainal Abdullah madah, Muhammad Zaheen Affan Mohamad Zulkarnain (mansa) diatu benung diperubatka di Hospital Seri Manjung.

    Ku iya, piak iya nerima ripot ari apai mansa urung jam 11 pagi ensana sebedau nangkap ama ke beumur 42 taun urung jam 4 lemai sehari nya mega.

    "Maya apai mansa ngambi anak iya ari 'rumah pengasuh', iya nanyaka bakani gawa lengan anak iya, tang laki ama nya madahka lengan anak mit nya seliuh.  Apai manasa sepengudah nya nganjung anak iya peresa di Hospital Changkat Melintang sebedau diperubat ke Hospital Seri Manjung," ku iya maya ke ditanya pengarang berita kemari.

    Ku iya, asil peresa hospital bisi abi pulas lalu ngejungka lengan anak mit nya patah.

    Mohamad Zainal madah, indu nya (suspek) direman empat hari belabuh hari kemari dikena mansik kes nitihka "Seksyen 325 Kanun Keseksaan" laban udah ngasuh anak mit nya bakal enggau "Seksyen 31(1) Akta Kanak-Kanak 2001" laban ngemedis tauka nyamah.

    Berebak enggau nya, indai anak mit nya ke minta dikelala enggau nama Akma, 28 taun, madah, iya nganjung anak iya ke 'rumah pengasuh' urung jam 9 pagi enggau ngambi iya (anak mit) dua jam sepengudah ama nya madahka laki iya anak seduai iya nya enda ngetu-ngetu nyabak. 

    "Ati sapa enda sinu meda anak napi pemedis baka nya. Enti aku megai lengan sepiak kanan, iya lalu nyerauh nyabak enggau nyawa ti ingar," ku iya maya ke ditanya di Hospital Seri Manjung di Lumut. 

    Iya mega ngarapka piak ke megai tanggungpengawa ulih bejalaika pengawa mansik enggau silik kena nyeliahka pekara tu nyadi ba anak mit kebukai. 

    No comments

    Post Top Ad

    Deka nemu berita benung #TRENDING tauka #VIRAL ninting hari:

    Post Bottom Ads


    Deka nemu berita benung #Viral ninting hari: