Apai netak pala enggau jari anak nyentukka parai - Berita Iban Online

Header Ads

  • Baru Nyadi

    Apai netak pala enggau jari anak nyentukka parai

    KASIH AMAI: Tubuh tauka bangkai mansa nya (anak suspek empu) ba luar pintu rumah sebedau iya ngurung diri ba dalam rumah nya. Gamal mansa ke beumur 5 taun nya (gambar mit).

    SUBANG JAYA: Siku anak mit ke beumur lima taun bebadi sepengudah ditetak apai iya ba pala enggau tangan ngena duku ba rumah sida iya di Blok 11A Flat Puchong Permai, Subang Jaya, lemai kemari.

    Maya kes nyadi, mansa benung tinduk ba atas tilam di bilik besai (ruang tamu) rumah sida iya di tingkat 4 flat sebedau suspek beumur 35 netak iya tiga kali ngena duku.

    Ketuai Polis Pampang Subang Jaya, Asisten Komisioner Mohammad Azlin Sadari madah, kes nya ditemu sepengudah siku peranak menua nya ke nyangka anak mit nya labuh ari tingkat 4 flat nya sebedau iya ngeripot ngagai polis urung jam 5.45 lemai.

    Sepengudah munuh mansa, suspek engkah tubuh tauka bangkai mansa nya (anak suspek empu) ba luar pintu rumah sebedau iya ngurung diri ba dalam rumah nya.

    “Polis ke bejalaika pengawa tasat enggau mansik madahka kebatang enda mansa kena bunuh sepengudah meda bekau abi pantap tauka tetak ba pala enggau gelang jari mansa,” ku iya nerangka pengarang berita sehari tu tadi.

    Ku iya, suspek ngaku diri munuh mansa sepengudah ninga utai nyelai (suara ghaib) ngasuh iya nyerah diri.

    “Nitihka pansik suspek nya gian ngirup air ketum enggau asil ripot peresa ari kemi suspek nya mega positif dadah Methamphetamine (syabu).

    “Suspek udah ditan enggau kami mega bisi tetemuka duku ke dikena suspek munuh mansa. Kes tu kiraka udah tembu tauka udah ditemu,” ku iya.

    Ku iya, tubuh tauka bangkai mansa dianjung ke Hospital Serdang kena bejalaika pengawa bedah tasat enggau kes tu dipansik ari baruh "Seksyen 302 Kanun Keseksaan".

    No comments

    Post Top Ad

    Deka nemu berita benung #TRENDING tauka #VIRAL ninting hari:

    Post Bottom Ads