Badu besadungka berita bekaul kes enchuri anak mit di Senadin, Miri - Berita Iban Online

Header Ads

  • Baru Nyadi

    Badu besadungka berita bekaul kes enchuri anak mit di Senadin, Miri

    Berita pelesu bekaul enggau kes enchuri anak mit ke disadung orang mayuh di laman social. 

    MIRI: Polis kemari meri jaku lalau (amaran) ngagai orang mayuh ngambika badu ngiar tauka besadungka berita bekaul kes enchuri anak mit di bandar raya miri ke viral ba laman sosial, kenyau ari ensana.

    Ketuai Polis Pampang Miri, Asisten Komisioner Lim Meng Seah madahka berita enda betul enggau nadai ripot polis diterima bekaul enggau kes enchuri anak mit kenyadi di Senadin ba mua Sekula Kebangsaan (SK) Anchi, ditu.

    “Besadungka berita pelesu ti ulih ngeruga pengelikun sereta pengelantang orang bukai. Taja pan, kes tauka berita nya nadai nyadi.

    “Berebak enggau nya, orang mayuh patut ngetu tauka badu besadung tauka bekunsika berita bekaul kes enchuri anak mit nya agi. Gambar suspek ke dikunsi nya mega nadai bekaul enggau berita nya. Suspek nya dituduh bekaul enggau kes di Semenanjung,” ku iya.

    Ku iya, enti nyema bisi orang majak besadungka berita pelesu nya, orang nya deka ditinggang ukum.

    Belabuh ari ensana, laman sosial Facebook (FB) enggau aplikasyen WhatsApp viral enggau penerang bekaul kes, suspek nguji nabanka siku anak mit ba mua sekula nya, tang mansa mujur nyelamatka diri. 

    Kelimpah ari nya, mayuh bengkah versi bekaul enggau kes nya. Bisi mega madahka mansa ngiga organ anak mit laban deka dijual.

    No comments

    Post Top Ad

    Deka nemu berita benung #TRENDING tauka #VIRAL ninting hari:

    Post Bottom Ads