Bakani chara deka ngiarka berita ba laman web BeritaIban.com? - Berita Iban Online

Header Ads

  • Baru Nyadi

    Bakani chara deka ngiarka berita ba laman web BeritaIban.com?

    Gambar pengias

    Tabi basa ngagai semua bala pemacha BeritaIban.com.

    Raban kami endang sigi ulih nulung ngiar tauka ngemansutka semua berita tauka cherita ti deka dikunsika nuan enggau mensia mayuh tang nuan meseti bisi ngembuan bukti, saksi enggau 'penerang ti silik' nemban sereta engkeman.

    Nama 'penerang ti silik' ti digunaka raban kami?:

    1. Nuan meseti meri kami, dokumen pengelala (nama, lumor talipaun, lumor kad pengelala tauka link ba social media) tauka orang ti ngaga ripot tauka ngempu berita/cherita nya.

    Tang taja pia, nuan anang irau laban nama tauka dokumen pengelala orang ke ngeripot ngagai kami deka dilalaika kami nitihka genteran ari baruh 'Syarat Ngena' portal kami. Kena nyaga pengelikun nuan enggau kita seruang bilik.

    2. Tulis sereta anjung berita tauka cherita ngagai kami pasal penusah ke nyadi ti nyengkaum:

    a. Kemaya?,

    b. Jam - Pukul berapa?,

    c. Endur tauka palan - Ba dini nyadi?,

    d. Kebuah - Bepun ari ni tauka sapa?, nama kebuah penusah nyadi?, ari sapa tauka kompeni ni?, udah ngaga ripot polis?, sapa ke bisi datai ngesah dia?

    3. Anjung penerang lumor 2 begulai enggau gambar tauka video nyadika bukti ba berita/cherita/penusah kenyadi ngagai Facebook Pages "Berita Iban Online" tauka ngena email beritaiban@gmail.com tauka whatsapp kami ngena lumor talipaun 0169989688.

    4. Enti nyema nuan nadai meri kami nitihka penerang ba genteran lumor 1, 2 & 3, raban kami sigi enda ulih mantu sereta enda ibuhka berita ti dikirumka nuan ngagai email tauka whatsapp kami.

    5. Ukai reti kami enggai nulung nuan, tauka bechiping ngereja pengawa. Tang raban kami begunaka bendar ke penerang ti silik pansik ti betul laban  nya kena kami ngarang berita ngambika bala pemacha lalu nemu berita ti dikenataika nuan enggau nadai mayuh tanya agi.

    6. Raban kami semina nitihka stindit "Standard Office Procedures" tauka chara kami bejalaika pengawa ngarang berita sebedau kami ngiar tauka nerima  berita ba portal tauka social media kami.

    7. Raban kami begunaka berita ti engkeman sereta nemban tang ukai berita pelesu.

    Terima Kasih.

    No comments

    Post Top Ad

    Deka nemu berita benung #TRENDING tauka #VIRAL ninting hari:

    Post Bottom Ads