Bangkai siku lelaki ditemu ba baruh jelatung ekspres - Berita Iban Online

Header Ads

  • Baru Nyadi

    Bangkai siku lelaki ditemu ba baruh jelatung ekspres

    Bangkai tauka tubuh siku lelaki ke ditemu ba baruh jelatung ekspres Daro di Jalai Khoo Peng Long, malam tadi. 📷@UtusanBorneo

    SIBU: Bangkai tauka tubuh siku lelaki dipechayaka parai lemas ditemu ba baruh jelatung ekspres Daro di Jalai Khoo Peng Long ditu, malam tadi.

    Ketuai Polis Pampang Sibu ACP Stanley Jonathan Ringgit, madah mansa ke ditemu parai nya nadai ngembuan dokumen pengelala, dikelala enggau nama Toh Chai Soon, 30 taun sepengudah dikelala indai iya ba rumah bangkai Sepital Sibu.

    "Bangkai lelaki lelaki nya ditemu benung ningkap enggau bisi ngena gari urung jam 11.30 malam tadi dipelabaka parai lemas," ku iya.

    Stanley madah, asil pansik tumu ari Opis Tasat Jenayah (IPD) Sibu ke bisi ngesah ke palan penusah nyadi madahka penusah tu nadai bekaul enggau kes jenayah laban nadai bekau tauka abi jamah ba tubuh mansa. 

    Ku iya, mansa bisi penanggul ba untak (mental) bisi dipeda ngirup ari arak kediri ba endur besemak jelatung urung jam 6 lemai.

    Kes tu diklasifikasi nyadi parai ngenyit.

    No comments

    Post Top Ad

    Deka nemu berita benung #TRENDING tauka #VIRAL ninting hari:

    Post Bottom Ads