Header Ads

  • Berita Tebaru

    Bini parai, ditetak laki iya ngena duku

    Siku indu beumur 25 taun parai dipechayaka dibunuh laki iya empu ke beumur 25 taun ba penusah nyadi di sebuah rumah Taman Merbau Indah, Singai Dua. 📷@bharian

    BUTTERWORTH: Siku indu beumur 25 taun parai pengudah ditetak laki iya ngena duku dagin ba sebuah rumah di Taman Merbau Indah, ditu, tu pagi kami ketegal bisi "ambai lalai" tauka nyimpan lelaki bukai.

    Penusah nyadi urung jam 5 pagi, salah sangka ngejungka mansa enggau laki iya ke beumur 25 taun charut tauka belaya sebedau iya (mansa) ditetak saspek ngena duku dagin nyentukka iya parai.

    Ketuai Polis Pampang Seberang Perai Utara, Asisten Komisioner Noorzainy Mohd Noor, madah laki (saspek) mansa madahka bini (mansa) iya bisi ambai lalai tauka besulu enggau siku lelaki nitihka randau (mesej) ba aplikasyen WhatsApp, tiga minggu ke udah.

    "Berindik ari nya, mansa dijukka saspek sebedau dibunuh saspek ngena chara netak sereta ngekak mansa nyentukke mati.

    Duku dagin ke dipechayaka dikena saspek netak bini iya ba sebuah rumah Taman Merbau Indah, Singai Dua. 📷@bharian

    "Saspek pengudahnya pansut ari rumah sereta mai anak indu iya ke beumur empat taun sebedau pulai baru kia urung jam 10 malam tadi," ku iya.

    Ku iya, maya datai ba palan penusah nyadi, saspek meda bini iya udah enda enseput sebedau ngaga ripot polis bekaul enggau bangkai bini iya nya.

    Noorzainy madah, polis pengudahnya bisi tetemuka bangkai mansa ke benung telentang enggau bisi lima abi telih ba sekeda endur tubuh mansa ianya ba berang kanan enggau kiban, rekung enggau jari kanan.

    Ku iya, polis mega bisi tetemuka bekau darah ba duku dagin ke diengkah ba sinki rumah dipechaya dikena netak mansa.

    "Berebak enggau nya, urung jam 2 pagi tadi, polis nangkap saspek enggau kes dikira tembu 'close case'," ku iya.

    Ku iya, kes dipansik ari baruh Seksyen 302 Kanun Keseksaan laban munuh.

    No comments

    Post Top Ad

    Deka nemu berita benung #TRENDING tauka #VIRAL ninting hari:

    Post Bottom Ads


    Deka nemu berita benung #Viral ninting hari: