Deriba motosikal bebadi belantak enggau pikap di Kanowit - Berita Iban Online

Header Ads

  • Baru Nyadi

    Deriba motosikal bebadi belantak enggau pikap di Kanowit

    Gambar eksiden di Jalai Nibong-Tada, lemai kemari.

    KANOWIT: Siku lelaki benung dirantau jalai mulaika diri ke rumah bebadi nyawa sepengudah motosikal ke ditepan iya belantak enggau sebuah pikap di Jalai Nibong-Tada, besemak Nanga Bawan, ditu, lemai kemari.

    Eksiden nyadi urung jam 5.30 lemai nya ngejungka Alvis Angie, 24 taun, disahka bebadi di palan eksiden nyadi ketegal balat bakal ba pala enggau tubuh.

    Ketuai Opis Tasat enggau Penguasa Trafik Sarawak, Superintenden Alexson Naga Chabu madah, asil pansik tumu mansa benung dirantau jalai ke rumah iya Skim Penempatan Semula Nanga Tada.

    Ku iya, lebuh maya datai ba jalai ke betiku, motosikal Yamaha Lagenda ke ditepan iya tepawah sebedau tama ke jalai ngelaban arus.

    "Ngam-ngam gak maya nya, sebuah Ford Ranger ke ditepan lelaki beumur 48 taun datai ari jalai muak ari mua tang enda sempat diseliah lalu ngejungka iya belantak enggau pikap nya. 

    "Mansa balat bakal udah nya disahka raban perubat ari Klinik Kesihatan Nanga Tada bebadi di palan penusah ke nyadi," ku iya, sehari tu tadi.

    Ku iya, bangkai mansa dianjung ke Hospital Kanowit kena bejalaika pengawa bedah siasat sebedau diberi ngagai bala ke sepintu bilik (keluarga) kena bejalaika pengawa ngenyaie enggau nguburka niang.

    Alexson madah, polis udah ngambi penerang ari deriba pikap enggau kes tu ditasat nitihka "Seksyen 41(1) Akta Pengangkutan Jalan 1987".

    No comments

    Post Top Ad

    Deka nemu berita benung #TRENDING tauka #VIRAL ninting hari:

    Post Bottom Ads