Header Ads

  • Berita Tebaru

    Deriba motosikal bebadi sepengudah dilantak pikap

    Bangkai tauka tubuh mansa dibap ngena kain burak sepengudah mansa disahka raban periman bebadi di palan penusah kenyadi.

    KUCHING: Siku deriba motosikal bebadi sepengudah belantak enggau sebuah kereta pikap di Jalai Usaha Jaya, Muara Tabuan sehari tu tadi.

    Mansa ke dikelala enggau nama Puuan Panjang, 43 taun, penatai ari Kampung Mongkos, disahka bebadi di penusah eksiden kenyadi ketegal balat bakal urung jam 5.40 pagi.

    “Maya datai di penusah eksiden nyadi, sebuah pikap ke ditepan siku nembiak lelaki ke beumur 19 taun dipechayaka tepawah lalu ngelantak motosikal mansa.

    “Dempa pemalat lantak pikap nya ngejungka mansa tepelanting enggau balat bakal ba tubuh tang deriba pikap nya selamat tauka nadai bakal,” ku Ketuai Opis Tasat enggau Penguasa Trafik Sarawak, Superintenden Alexson Naga Chabu.

    Polis udah ngambi penerang ari deriba pikap nya kena bejalaika pengawa mansik enggau nyidi. 

    Bangkai tauka tubuh mansa pengudah nya dianjung ke "Jabatan Perubatan Forensik Hospital Umum Sarawak" (HUS) kena bedah tasat.

    Kes tu dipansik ari baruh "Seksyen 41(1) Akta Pengangkutan Jalan 1987".

    No comments

    Post Top Ad