Header Ads

  • Berita Tebaru

    Dikemulaka ejen, tiga semenyanak diau ba kaki lima di KL udah pulai ke Sibu

    DIKEMULAKA EJEN: Sida sebilik diau ba kaki lima di Kuala Lumpur pengelama dua minggu.

    KUCHING: sepengelama dua minggu udah diau ba kaki lima di Kuala Lumpur, tiga semenyanak nyau berasai gaga ati sepengudah mulaika diri ke rumah sida oya empu di Sibu malam tadi.

    Seduai melaki bini ke beumur 23 enggau 26 taun begulai enggau anak seduai ke beumur enam taun ke nadai endur bukai deka nindukka diri lalu diau di kaki lima Medan Tuanku laban ngelarika diri ari endur ke gawa.

    Sida tiga semenyanak udah mutus ati ngelarika diri laban enda dibayar gaji sepengudah beberapa bulan gawa ba kilang di Port Dickson ke dipinta ari ejen ngiga pengawa puang.

    Kelimpah ari nya, sida iya mega didawa berutang mata duit penyampau RM4,000 enggau ejen ke meri sida pengawa puang nya.

    Kena 9 Ogos, sida sebilik ditemu Jabatan Kebajikan Masyarakat (JKM) Kuala Lumpur lalu betalipaun ngagai 'Sarawak Volunteers' madahka penusah ke ditapi sida iya sebilik ngambika ulih nerima bantu ari piak Sarawak Volunteers.

    Sarawak Volunteers nerima talipaun urung jam 9 pagi, lalu nganjung dua iku pengari betemu enggau sida sebilik di Medan Tuanku urung jam 11 pagi ba hari nya mega.

    Sepengudah betemu enggau sida sebilik, urung jam 12 tengah hari, Sarawak Volunteers enggau bantu ari Gabungan Parti Sarawak (GPS) ke udah nyediaka tiket bilun kena sida tiga semenyanak nya pulai ke Sarawak enggau nyediaka utai ke dikena (Grab Car) sida iya ke Airport Antarabangsa Kuala Lumpur 2 (klia2).

    Sida tiga semenyanak nya nepan bilun AirAsia ke Kuching urng jam 6.55 lemai.

    Sepengudah datai di Kuching sida iya dilaluka pengari JKM Kuching lalu dibaie ke Anjung Singgah enggau Hospital Umum Sarawak (HUS) kena bejalaika pengawa meresa pengerai.

    Tiga semenyanak udah nya, nepan bilun ke Sibu urung jam 7.40 malam tadi. 

    Enggau bantu ari JKM Sarawak, maya datai di Sibu sida iya betemu enggau bala ke sepintu bilik urung  jam 10.30 malam.

    No comments

    Post Top Ad

    Deka nemu berita benung #TRENDING tauka #VIRAL ninting hari:

    Post Bottom Ads


    Deka nemu berita benung #Viral ninting hari: