Dua iku anak mit retung diempa api ba penusah angus di Lingga, Sri Aman - Berita Iban Online

Header Ads

  • Baru Nyadi

    Dua iku anak mit retung diempa api ba penusah angus di Lingga, Sri Aman

    KASIH AMAI: Raban bomba benung bejalaika operasyen ngemansutka mansa. Gambar kededua mansa ke bebadi dipalan penusah kenyadi (gambar mit).

    SRI AMAN: Dua iku anak mit retung diempa api ba penusah angus kenyadi ba Kampung Hilir, diLingga ditu, lemai tadi.

    Mansa dikelala enggau nama Zulkarnain Ajijul, 2 taun enggau Zulfadli Ajijul, 5 taun dipechaya enda ulih diselamat maya penusah angus kenyadi urung jam 4.25 lemai.

    Raban Bomba enggau Penyelamat Negeri, Nor Hisham Mohamad maya ke ditanya pengarang berita madahka maya penusah angus nya, kededua mansa nya begulai enggau indai iya, Jamilah Tuah enggau menyadi indu (kakak), Nuratiqah Abdullah, 8 taun, bisi ba dalam rumah nya.

    "Tang Indai enggau menyadi indu mansa mujur nyelamatka diri," ku iya.

    Rumah nya bisi enam ruang bilik, enggau dua iti agi puang tauka nadai orang diau.

    Sebedau nya, raban Bomba enggau Penyelamat nerima talipaun "panggilan kecemasan" madahka penusah angus nya urung jam 4.25 lemai. 

    Berebak enggau nya, sebuah traktor FRT enggau lapan iku raban bomba ari Balai Sri Aman berumban ngesah ngagai palan penusah angus kenyadi. 

    "Maya datai dipalan penusah kenyadi urung jam 5.15 lemai, rumah kayu nya ambis lengis diempa api enggau mensia mayuh begau meda penusah kenyadi. 

    "Raban bomba bisi nerima ripot madah ka dua iku anak mit lelaki mansa penusah angus, siku beumur 2 taun enggau siku agi beumur 5 taun. 

    Ku iya, api mujur dipadamka 100 peratus urung jam 6.10 lemai sebedau operasyen ngemansutka mansa dipejalaika. 

    Bangkai tauka tubuh kededua mansa pengudahnya di serahka ngagai polis kena bejalaika pengawa silik agi.

    "Kebuah penusah angus tu nyadi agi benung dipansik," ku Nor Hisham.

    No comments

    Post Top Ad

    Deka nemu berita benung #TRENDING tauka #VIRAL ninting hari:

    Post Bottom Ads