Header Ads

  • Berita Tebaru

    Dua iku sekaban bebadi kereta labuh ke dalam sungai

    Raban bomba benung deka namakka bangkai tauka tubuh salah siku mansa ke dalam ambulans. 📷#Bomba

    SEMPORNA: Dua iku bebadi tang dua iku agi bakal sepengudah kereta ke ditepan sida iya tepawah sebedau labuh ke dalam sungai di Kilometer 33 Jalai Semporna-Tawau ditu kemari.

    Eksiden nyadi urung jam 7.30 malam nya, mansa Mohd. Iqhram Robert, 18 taun, enggau Mohd. Razmin Kadariah, 19 taun, disahka bebadi dipalan penusah kenyadi.

    Deriba kereta Toyota Fortuner, Muhammad Firdaus enggau penumpang Nur Mohammad Nazdrul Nizam seduai iya sama bela beumur 18 taun balat bakal tang Muhd. Hamirzan Maksud,18 taun, enggau Muhammad Ilyas Herman,18 taun, semina bakal mimit aja.

    Ketuai Polis Pampang Semporna, Superitendan Peter Umbuas madahka sebuah kereta Toyota Fortuner ke dideriba siku pelajar lelaki enggau ditumpang tauka ditepan lima iku kaban iya.

    "Nitihka penerang ke diterima, kereta ke ditepan enam iku sekaban nya benung dirantau jalai ari pasar Semporna nuju ke pampang Tawau.

    "Ngam-ngam datai ba siti jalai betiku, kereta ke ditepan sida iya nya tepawah ke jalai kiba lalu ngelantak pengadang jalai," ku iya sehari tu tadi.

    "Berebak enggau nya, kereta ke ditepan sida iya lalu labuh ke sungai penalam 10 meter dipalan nya," tandu Peter.

    Kesemua mansa dianjung ke Hospital Semporna kena bejalai pengawa enggau silik agi.

    Kes tu dipansik ari baruh "Seksyen 41 (1) Akta Pengangkutan Jalan 1987".

    No comments

    Post Top Ad