Dua lelaki masung dua iku indu, penyuah lebih ari 1,900 kali - Berita Iban Online

Header Ads

  • Baru Nyadi

    Dua lelaki masung dua iku indu, penyuah lebih ari 1,900 kali

    John Dickson (kiba) enggau Brian McTaggart (kanan) ditinggang ukum laban masung indu lebih 1,900 kali. 📷@PA

    Dua iku indu dipasung urung penyampau 1,900 kali, narit seput sereta berasai lantang ati sepengudah dua lelaki ke masung seduai iya dibai bechara ke kort ba hari ke sama. 

    Saspek, Brian McTaggart, 54 taun enggau John Dickson, 38 taun, seduai iya nerima ukum nitihka penyalah ke digaga ba dua iku indu ba kes enda sama. 

    McTaggart ditinggang ukum jil seumur idup laban nyamah mansa pengelama 25 taun enggau masung mansa penyuah lebih 900 kali.

    Dickson mega dijil 14 taun laban masung siku agi mansa lebih 1,000 kali, nyerang mansa ngena siku ular urung pemanjai tiga meter.

    Dua lelaki nya dibai bechara ba Mahkamah sepengudah mansa mantaika ulah tauka penyalah ke digaga seduai iya ngelamatu. 

    Ukai semina dua iku indu nya aja, tang mayuh agi mansa kebukai mega bisi ngeripot penyalah ke digaga dua iku lelaki nya. 

    Siku indu beumur 53 taun madahka mahkamah, iya dipasung McTaggart nyauka ninting hari pengelama enam taun.

    Ku mansa nya, saspek kala masung aku maya aku baru udah beranak dulu suba. 

    "Lelaki nya minta ampun enggau meli bungai sepengudah iya masung aku," ku siku agi mansa pasung McTaggart.

    Kelimpah ari nya, siku agi mansa madah kala dipasung saspek maya benung tinduk.

    "Maya aku dani kenyap, McTaggart madah aku diempu iya enggau ulih ngaga semua utai nitihka peneka iya," ku mansa nya.

    Nitihka bechara ba Mahkamah Tinggi Glasgow, McTaggart madahka diri suah ngereja penyalah tang iya enda ngaku dituduh masung mansa.

    Kelimpah ari nya, saspek madahka indu sitan, semua mansa ke 'sengaja' nuduh iya ngereja pengawa nya. 

    Sama enggau McTaggart, Dickson mega dikaitka enggau kes bukai.

    Dickson kala diripot masung siku indu enggau ngereja pengawa nya ba dalam kereta api benung dirantau jalai nuju ke Edinburgh.

    Kelimpah ari nya, indu nya mega madahka diri dipaluk Dickson ari pala nyentuk ke kaki pengelama sejam. - Metro.UK.

    No comments

    Post Top Ad

    Deka nemu berita benung #TRENDING tauka #VIRAL ninting hari:

    Post Bottom Ads