Dua suspek ditangkap, beleman mali enggau siku pelajar sekula primari tiga - Berita Iban Online

Header Ads

  • Baru Nyadi

    Dua suspek ditangkap, beleman mali enggau siku pelajar sekula primari tiga

    Gambar pengias.

    KUCHING: Siku sekuriti enggau siku agi enda gawa (penganggur) ditangkap ketegal dipelabaka beleman mali siku nembiak mit indu ke benung primari tiga ba sebuah sekula di Bau, ditu.

    Ketuai Polis Pampang Bau DSP Mohd Sabri Zaibol madahka, kededua suspek ianya aya lelaki tiri, 49 taun enggau betunggal tiri mansa ke be umur 16 taun.

    Ku iya, pengawa tauka ulah ti pemadu jai ke digaga kededua suspek nya ditemu kena 9 Ogos urung jam 11.30 pagi, lebuh maya mansa ke beumur 10 taun nya madahka pengajar iya udah suah beleman mali.

    Ku iya, sepengudah ninga serabana pelajar sekula nya, pengajar nya lalu ngaga ripot polis kena hari lima, urung jam 12.11 tengah hari di Balai Polis Pampang Bau. 

    "Asil tanya enggau saut, suspek keterubah ke gawa nyadi sekuriti ngaku diri kala ngasuh mansa ngeluchu ba rumah mit sekuriti endur suspek gawa kena bulan April tu suba.  

    "Asil ari tanya enggau saut suspek kedua, iya ngaku diri kala beleman mali enggau mansa penyuah lebih kurang 10 kali ba dalam jamban enggau kepenudi sekali iya beleman mali enggau mansa kena dua hari ke udah (ensana) ba dalam bilik panking indai suspek," ku iya maya ke ditanya pengarang berita kemari.

    Sabri madahka raban forensik ari Opis Polis Kontinjen (IPK) Sarawak deka meresa dipalan kes kenyadi.

    Kelimpah ari nya, ku iya, siti tanchut chawat ke diempu mansa chura burak dirampas dikena nyadika "bahan bukti".

    "Mansa dibai ke Hospital Umum Sarawak kena bejalaika pengawa meresa enggau silik agi.

    Kes tu dipansik ari baruh "Seksyen 376 Kanun Keseksaan".

    No comments

    Post Top Ad

    Deka nemu berita benung #TRENDING tauka #VIRAL ninting hari:

    Post Bottom Ads