Ekspres ngelantak langkau padi di Sibu - Berita Iban Online

Header Ads

  • Baru Nyadi

    Ekspres ngelantak langkau padi di Sibu

    Gambar langkau padi pengudah dilantak ekspres ba rumah panjai di Rassau, Sibu, pagi tadi.

    SIBU: Lebih 20 penumpang kesal sepengudah ekspres ke ditepan sida iya ngelantak langkau padi di rumah panjai di Rassau, ditu, pagi tadi.

    Penusah nyadi urung jam 7 pagi tadi, ekspres nya benung dirantau jalai ari Igan ke Sibu sebedau datai ba jeti di rumah panjai nya laban deka ngambi penumpang.

    Nitihka penerang ke diterima kami madahka, enjin ekspres nya dipechayaka bisi penanggul tauka rusak enggau enda ulih surut (reverse) ngejung ke ngelantak langkau nya. 

    “Kelimpah ari nya, langkau ke endur engkah padi nya didiri tauka digaga peranak menua nya di tebing Sungai Igan, lalu rubuh sereta rebah ke dalam sungai,” ku iya.

    Ku iya, beberapa penumpang ke kesal sereta tekenyit sepengudah nemu pasal penusah kenyadi lalu mansutka ari ekspres nya laban irauka pengelikun sida iya empu. 

    Taja pia, ku iya, nadai penusah bebadi tauka bakal dipalan penusah kenyadi. 

    “Puji Tuhan.. Nasib manah nadai orang ba langkau padi nya maya penusah kenyadi,” ku iya.

    Iya madahka sepengudahnya ekspres nya lalu neruska pejalai ke Sibu pengelama dua jam nengah Sungai Igan.

    No comments

    Post Top Ad

    Deka nemu berita benung #TRENDING tauka #VIRAL ninting hari:

    Post Bottom Ads