Jerebu Kalimantan udah datai di Sarawak, Mukah ngerikodka indeks pengamah angin ti tinggi - Berita Iban Online

Header Ads

  • Baru Nyadi

    Jerebu Kalimantan udah datai di Sarawak, Mukah ngerikodka indeks pengamah angin ti tinggi

    AGI RAPAS DIPEDA MATA: Gambar diambi di Mukah.

    KUCHING: Di beberapa kandang menua di nengeri tu udah belabuh napi musin besebun (jerebu), dipechayaka udah meraka sempadan ari negara Indonesia.

    Belabuh ari kemari, lebih 300 tumpok angat ditemu di Kalimantan Barat, tang ba Kota Pontianak ngerikodka indeks pengamah angin (IPU) ti enda manahka pengerai ianya lebih ari 100.

    Dipechayaka bepun ari pengawa betunu bedandang besai lalu ngasilka beratus tumpok angat. 

    Nyentuk jam 7 pagi tadi, beberapa kandang menua di Sarawak ke ngerikodka indeks pengamah angin (IPU) ti enda manahka pengerai ianya di Mukah (72), Bintulu (69), Sibu (62), Kuching (55) enggau Serian (51).

    Berebak enggau nya, kami ari BeritaIban.com ngelalau mensia mayuh kelebih agi anak mit enggau orang ke bisi penanggul tusahka enseput tauka sakit 'respitori' enti ulih anang pansut ari rumah tauka bejalaika pengawa luar baka jam ke diatu.

    Lalu nuju bala ke ka pansut ari luar tauka nurun gawa, kita tau bekenaka pemampul idung enggau mulut kena nyaga pengerai enggau pengelikun diri.

    No comments

    Post Top Ad

    Deka nemu berita benung #TRENDING tauka #VIRAL ninting hari:

    Post Bottom Ads