Header Ads

  • Berita Tebaru

    Kenu ku anak ati aku madah, anak aku agi idup

    Khairil Ikmal (gambar mit atas) enggau Ahmad Daniel agi lenyau ba Pantai Telok Kalong. 📷@Kosmo

    KEMAMAN: "Kenu ku anak ati aku madah, anak aku ke benama Khairil Ikmal Danial agi idup, engka iya agi tepanggai ba sebarang endur. Kami seruang bilik ngarapka iya ulih ditemu enggau lengkas sereta selamat," pia ku serabana Zamzuradi Othman (apai mansa), 46 taun, madahka anak iya udah lenyau ketegal dibai ai deras maya mandi begulai enggau beberapa iku bala kaban iya ba pantai Telok Kalong, Kemaman, lemai kemari.

    Ku Zamzuradi, anak iya ke dipelabaka lemas nya anak lumor dua, ari empat iku sida iya, diri menyadi. Mansa nya, siku anak ti chukup mentas, manah budi basa enggau gerah jari nulung ngereja mayuh bengkah pengawa maya begulai enggau diri sebilik. 

    "Malam sebedau penusah nyadi, iya bisi madahka diri deka nginti ba Teluk Kalong begulai enggau bala kaban iya, tang aku enda ngasuh laban palan nya enda likun enggau mayuh penusah lemas nyadi ba palan nya sebedau tu," ku iya maya ke dirandau pengarang berita sehari tu tadi.

    "Pagi kemari, aku enggau bini aku, Anita Ayob, 42 taun, undur ke Kuala Terengganu laban deka ngaduka pengawa ruang bilik, aku nyangka iya udah enda nyadi nginti, tang aku nerima talipaun ari kaban iya enggau madahka anak aku dipelabaka lemas lemai kemari," ku iya. 

    Khairil Ikmal Danial, pelajar jurusan Pengurusan Perniagaan di Politeknik Kota Bharu, ianya antara tiga sekaban ke anyut dibai ai enggau umbak besai urung jam 6.00 lemai kemari. Semua sida iya beumur 19 taun.

    Urung jam 4.30 pagi tadi, bangkai Shahir Aqil Shahrun ditemu urung penyauh 500 meter ari palan bomba bejaga ba pantai nya.

    Operasyen Ngiga enggau Nyelamatka Khairil Ikmal Danial dan Ahmad Daniel Firdaus Zubir agi dipejalaika enggau 53 iku penyampau tubuh raban penyelamat enggau mayuh bengkah agensi bukai mega mantu baka raban Opis Bomba enggau Penyelamat Malaysia (JBPM), Polis Di Raja Malaysia, Agensi Penguasa Maritim Malaysia, Rela, Penyaga Periman Malaysia (APMM) enggau seraban orang berikan ari Persatuan Nelayan Palan Kijal.

    Komander Operasi Kanan Jabatan Bomba enggau Penyelamat Malaysia (JPBM) Mohamed Zulkhairul Mohamed Razilah, madah operasyen ngiga dikemesaika agi ngagai urung penyauh dua kilometer radius ari palan penusah nyadi.

    "Operasyen sekali tu bisi penanggul laban ribut balat, umbak majak tinggi enggau ai majak deras muak ke lemai legi," ku iya.

    "Enti nyema bisi kapal tauka tabut bisi meda utai nyelaie ba tasik nya dipinta madahka raban ngiga enggau nyelamat," tandu Zulkhairul.

    No comments

    Post Top Ad

    Deka nemu berita benung #TRENDING tauka #VIRAL ninting hari:

    Post Bottom Ads


    Deka nemu berita benung #Viral ninting hari: