Kes munuh Bill Kayong, Fitri diukum mati
Cari Berita

Advertisement

Kes munuh Bill Kayong, Fitri diukum mati

Admin | beritaiban@gmail.com
August 10, 2018

RIP Bill Kayong

MIRI: Mahkamah Tinggi Miri sehari tu ngenaka ukum gantung nyentukka mati ngagai siku lelaki sepengudah ditemu besalah munuh Aktivis Rama, Bill Kayong.

Pemutus nya digaga Hakim Ravintharan N. Paramaguru sepengudah piak 'pendakwa' mujur mantaika bukti kes prima facie ngagai orang ke dituduh dalam kes tu.

Mohamad Fitri Pauzi, 31, dari Pujut 4 didawa nitihka Seksyen 302 Kanun Keseksaan laban penyalah munuh ti mai pemarai niang Bill Kayong.

Fitri didawa ngereja penyalah nya urung jam 8.20 pagi, 21 Jun 2016 di simpang 'lampu isyarat' besemak palan bebelika barang (pasar raya) di Tudan.

Niang Bill Kayong, 43 taun, tauka dikelala enggau nama Islam Mohd Hasbie Abdullah bebadi dipalan penusah kenyadi maya iya benung deriba pikap ketegal ditimbak ngena senapang kena ba rekung.

Maya pemutus dibacha, Fitri benung bediri dalam kandang tetuduh dipeda nundukka pala iya.

Dawa nya digaga Penolong Pendawa Raya Nur Nisla Abdul Latif tang orang ke dituduh diarika peguambela Ranbir Singh, Orlando Chua enggau Arthur Lee.