Header Ads

  • Berita Tebaru

    Ketegal bini udu minta duit belanja, siku lelaki ngaga diri parai

    Gambar Gonzalez benung gali ba kain burak enggau idung iya ditejal ngena kapas baka orang ke di rumah bangkai.

    AMERIKA SYARIKAT: Enda tan enggau ulah bini udu minta duit belanja. Siku lelaki penatai ari Honduras sanggup melakon ngaga diri parai ketegal penyakit kanser lalu nganjung gambar iya ke nyau baka ke udah sedia deka dikubur. 

    Danny Gonzalez, 27 taun, ke gawa di Amerika Syarikat (AS) nganjung gambar madahka iya benung gali ba kain burak enggau idung iya ditejal ngena kapas baka orang ke di rumah bangkai.

    Gambar nya dikirumka iya ngagai bini iya ke diau di Saba, selatan Honduras lalu dipegulaika iya enggau gambar lungun ke udah bisi bungai sereta mesej madahka lelaki nya udah midang ketegal penyakit kanser.

    Taja pia, juluk ati lelaki nya deka ngemulaka bini iya tejanggal sepengudah pemati iya nyau viral di social media lalu ngejungka bala kaban belayan enggau bala ke sepintu bilik nemu pasal nya. 

    Daily Mail madahka resia lelaki deka nipu ditemu betunggal iya sepengudah meda gambar Gonzalez baka ke benung tuchum. 

    Ku iya madahka stesyen TV Sur : “Bini aku betalipaun ngagai aku ninting ari enam minta duit belanja. Setiap hari enam iya madahka aku suntuk belanja enggau minta duit lebih.

    “Sepemanjai minggu, iya nadai kala ngirum gambar tauka mesej nanyaka berita. Iya semina minta duit belanja,” ku iya. #DailyMail

    No comments

    Post Top Ad