Klinik Ikon Mesra Remaja deka dipunka ba Kapit enggau Bintulu - Berita Iban Online

Header Ads

  • Baru Nyadi

    Klinik Ikon Mesra Remaja deka dipunka ba Kapit enggau Bintulu

    Fatimah meri penerang bekaul enggau Klinik Ikon Mesra Remaja, seraya disempulang (kanan) Rosey enggau (kiba) Harden, ba aum pengarang berita sehari tu.

    KUCHING: Opis Pengerai Nengeri Sarawak (JKNS) numbuhka konsep Klinik Ikon Mesra Remaja keterubah ba klinik pengerai di nengeri tu.

    Menteri Pengintu Pengelantang Pendiau, Orang Indu, Ruang Bilik enggau Pemansang Nembiak Mit, Dato Sri Fatimah Abdullah madahka nya sebengkah ari inisiatif Opis Pengerai betapi sereta mantu lebih agi orang indu biak umur 18 taun ke baruh.

    Iya madahka klinik nya siti endur orang biak umur ke deka bekunsi pasal penanggul ke ditapi.

    “Opis Pengerai Nengeri Sarawak bejalaika inisiatif numbuhka Klinik Ikon Mesra Remaja, dikearapka berengkah ujung taun tu. Deka dipunka dulu di Klinik Pengerai di Kapit enggau Bintulu.

    “Tu meri servis ngagai orang biak ke datai ngelawa klinik tu ke deka berandauka pasal pengerai, runding, penusut runding ke ditapi sereta ke bukai enggau kaunselor, lutur, pakar pemakai sereta terapi ke bisi ba Klinik Ikon tu,” ku iya mansutka pekara nya dalam aum pengarang berita pengudah ti nyadi chairman aum One Stop Pregnancy Committee (OSTPC) ke diatur ba sebuah hotel ditu, sehari tu.

    Dua buah klinik pengerai nya endur Opis Pengerai bejalaika inisiatif nya ti keterubah ba nengeri tu sebedau dikerembaika ngagai klinik pengerai ke bukai.

    Sama bisi dalam aum pengarang berita nya kemari Menteri Muda Orang Indu, Ruang Bilik enggau Pemansang Nembiak Mit, Rosey Yunus enggau Menteri Muda Pengelantang Pendiau Raban Bansa, Datuk Francis Harden Hollis sereta ke bukai. #UtusanBorneo

    No comments

    Post Top Ad

    Deka nemu berita benung #TRENDING tauka #VIRAL ninting hari:

    Post Bottom Ads