Header Ads

  • Berita Tebaru

    KM ngungkupka RM12 juta dikena ngaga dua projek di Sri Aman

    Datuk Patinggi Abang Johari Tun Openg

    KUCHING: Kepala Menteri Datuk Patinggi Abang Johari Tun Openg madah ngungkupka RM12 juta ungkup dua projek iya ngangkatmanah perengkaguna mensia mayuh ditu, kemari.

    Projek ke deka digaga ngena belanja nya, baka ngangkatmanah Dewan Suarah Sri Aman enggau nangkir palan pejual ba Pasar Tamu Sri Aman.

    Abang Johari madah munyi nya maya ke bejaku Pesta Benak 2018 ditu kemari.

    Ku iya, ari penyampau nya RM7 juta dikena ngangkatmanah Dewan Suarah enggau RM5 juta agi diungkupka Pasar Tamu.

    “Projek nya deka meri pengelantang ngagai peranak menua nya enggau orang ke bejual ba endur nya,” ku iya.

    Dulu ari nya, iya ngaga bangunan baru Pasar Tamu Sri Aman ti ngembuan 240 lot alai bejual, lapan kaunter bas enggau sebuah opis ke beungkus RM6 juta.

    No comments

    Post Top Ad